આગામી 5 દિવસ દેશના વિવિધ ભાગોમાં ભારેથી અતિ ભારે વરસાદની હવામાન વિભાગે કરી આગાહી

ભારતીય હવામાન વિભાગ (IMD) એ આગામી 5 દિવસ માટે દેશના વિવિધ ભાગોમાં ભારેથી અતિ ભારે વરસાદની આગાહી કરી છે.

પૂર્વીય, મધ્ય અને ઉત્તરપૂર્વના રાજ્યોમાં સતત વરસાદ ચાલુ રહેવાની શક્યતા છે. જોકે, ઉત્તર-પશ્ચિમ ભારતમાં વરસાદની ગતિ ધીમી પડશે. બીજી તરફ, રાષ્ટ્રીય રાજધાની દિલ્હી-NCR માં હવામાન સૂકું અને ભેજવાળું રહેશે, જ્યાં તાપમાનમાં પણ સામાન્ય વધારો જોવા મળશે. 

IMD ના વૈજ્ઞાનિક અખિલ શ્રીવાસ્તવે માહિતી આપી છે કે આગામી દિવસોમાં પર્વતીય રાજ્યોમાં ભારે વરસાદની શક્યતા છે. ખાસ કરીને: જમ્મુ અને કાશ્મીર માં 14 સપ્ટેમ્બર ની આસપાસ વરસાદ પડી શકે છે. હિમાચલ પ્રદેશ માં 13-14 સપ્ટેમ્બર દરમિયાન ભારે વરસાદની સંભાવના છે. ઉત્તરાખંડ માં 12 થી 15 સપ્ટેમ્બર દરમિયાન વરસાદ ચાલુ રહી શકે છે. પૂર્વ ભારતમાં પણ વરસાદનું જોર યથાવત રહેશે. IMD એ 15 સપ્ટેમ્બર સુધી બિહાર, પશ્ચિમ બંગાળ અને સિક્કિમ માં ભારે વરસાદની ચેતવણી આપી છે, જેમાં સિક્કિમ માટે ઓરેન્જ એલર્ટ પણ જારી કરવામાં આવ્યું છે. આ ઉપરાંત, 11 સપ્ટેમ્બરે ઝારખંડ અને 12 સપ્ટેમ્બરે ઓડિશા માં પણ ભારે વરસાદની આગાહી છે.