નોઈડા એરપોર્ટ નજીક નગલા હુકુમ સિંહ ગામમાં ગેરકાયદેસર રીતે બની રહેલી ત્રણ માળની ઇમારત ધરાશાયી , ચારના મોત

ગલા હુકુમ સિંહ ગામમાં બની રહેલી એક ઇમારત ધરાશાયી થઈ ગઈ. મોડી રાત સુધીમાં, કાટમાળ નીચેથી સાતને બહાર કાઢવામાં આવ્યા અને સારવાર માટે હોસ્પિટલમાં લઈ જવામાં આવ્યા હતા. જેમાંથી ચારના મોત થઈ ગયા.

નોઈડા એરપોર્ટ નજીક નગલા હુકુમ સિંહ ગામમાં ગેરકાયદેસર રીતે બની રહેલી ત્રણ માળની ઇમારત ધરાશાયી થઈ ગઈ. પોલીસના જણાવ્યા અનુસાર, અકસ્માત સમયે ત્યાં લગભગ દસ શ્રમિકો કામ કરી રહ્યા હતા. મોડી રાત સુધીમાં, સાત ઘાયલોને બહાર કાઢીને હોસ્પિટલ લઈ જવામાં આવ્યા, જેમાંથી ચારના મોત થઈ ગયા. ત્રીજા માળના લિન્ટલનું શટરિંગ ખોલવામાં આવી રહ્યું હતું, તે દરમિયાન આ દુર્ઘટના ઘટી. પોલીસ અને NDRFની ટીમોએ શ્રમિકોને બહાર કાઢ્યા. કાટમાળ નીચે દટાયેલા શ્રમિકની શોધ ચાલુ છે. NDRFની બે ટીમો મોડી રાત સુધી બચાવ કામગીરી કરી રહી હતી. 

રબુપુરાના નગલા હુકુમ સિંહ ગામમાં મહાવીર સિંહ પોતાના ખેતરમાં ત્રણ માળનું ઘર બનાવી રહ્યો હતો. બુધવારે સવારે લગભગ 10:30 વાગ્યે, ત્રીજા માળના લિન્ટલનું શટરિંગ ખોલતા સમયે લિન્ટલ પડ્યું, જેના કારણે ત્રણેય માળ એક પછી એક તૂટી પડ્યા. ત્યાં કામ કરતા લગભગ દસ શ્રમિકો કાટમાળ નીચે દટાઈ ગયા. અવાજ સાંભળીને, નજીકના વિસ્તારોના લોકો ઘટનાસ્થળે દોડી આવ્યા અને શ્રમિકોને બચાવવાનો પ્રયાસ કર્યો, પરંતુ કાટમાળ વધારે હોવાના કારણે તેઓ બચાવી શક્યા નહીં.