મહારાષ્ટ્રમાં રાજકીય ઘમાસાણ : ભાજપને વધુ 48 કલાકનો સમય, કોર્ટે ફેંસલો સુરક્ષિત રાખ્યો

ત્રણેય પક્ષની દલીલ બાદ કોર્ટે ફેંસલો રાખ્યો સુરક્ષિત

મહારાષ્ટ્રમાં સરકાર

મામલે સુપ્રીમ કોર્ટે ફેંસલો અનામત રાખ્યો છે. રાજ્યપાલના દસ્તાવેજની ચકાસણી કરી

દરેક પક્ષની દલીલો સાંભળી હવે કોર્ટ આવતીકાલે સવારે 10.30 કલાકે પોતાનો નિર્ણય

સંભળાવશે.

મહારાષ્ટ્રમાં

રાજકીય ઘમસાણ મામલામાં તમામ

પક્ષકારોની દલીલો સાંભળ્યા બાદ સુપ્રીમ કોર્ટે ચુકાદો અનામત રાખ્યો છે. ત્રણ

ન્યાયાધીશોની ખંડપીઠે જણાવ્યું હતું કે મંગળવારે સવારે 10.30 વાગ્યે આ અંગે નિર્ણય આપવામાં આવશે. સુપ્રીમ કોર્ટે રવિવારે કોંગ્રેસ, એનસીપી અને

શિવસેનાની અરજી પર સુનાવણી કરતી વખતે કેન્દ્ર સરકાર પાસેથી રાજ્યપાલનો પત્ર અને

સમર્થન પત્ર માંગ્યું હતું. આ પછી કેન્દ્ર સરકાર તરફથી હાજર સોલિસિટર જનરલ તુષાર

મહેતાએ બંને પત્રો કોર્ટ સમક્ષ રજૂ કર્યા હતા. અજિત પવારને સમર્થન આપતો પત્ર

સુપ્રીમ કોર્ટમાં રજૂ થયો હતો.  54 ધારાસભ્યોના ટેકાના પત્રમાં કહેવામાં આવ્યું છે કે આપણે મહારાષ્ટ્રમાં

રાષ્ટ્રપતિ શાસન વધુ લાંબા સમય સુધી ઇચ્છતા નથી. અમને રાજ્યમાં સ્થિર સરકાર જોઈએ

છે. તેથી જ અમે સરકાર બનાવવા માટે ફડણવીસને સમર્થન આપીએ છીએ.

તમને જણાવી દઇએ કે, શનિવારે દેવેન્દ્ર ફડણવીસે મહારાષ્ટ્રના મુખ્ય પ્રધાન તરીકે શપથ લીધા હતા જ્યારે અજિત પવારે રાજ્યના નાયબ મુખ્ય પ્રધાન તરીકે શપથ લીધા હતા. આ પછી, શિવસેના, એનસીપી અને કોંગ્રેસે રાજ્યપાલ ભગતસિંહ કોશ્યરીના નિર્ણય સામે સુપ્રીમ કોર્ટમાં કાર્યવાહી કરી અને તાત્કાલિક સુનાવણીની માંગ કરી. રવિવારે સુપ્રીમ કોર્ટની રજિસ્ટ્રીએ કેસની સુનાવણી માટેનો દિવસ નક્કી કર્યો. આના એક દિવસ પહેલા એનસીપી, કોંગ્રેસ અને શિવસેનાએ મળીને સરકાર બનાવવાની જાહેરાત કરી હતી.