રક્ષાબંધન : ભુદેવો તમે કેવી રીતે બદલશો જનોઇ, વિધિ કેવી રીતે કરશો તેની માહિતી વાંચો આ લેખમાં

author-image
By Connect Gujarat in Featured સમાચાર
New Update
રક્ષાબંધન : ભુદેવો તમે કેવી રીતે બદલશો જનોઇ, વિધિ કેવી રીતે કરશો તેની માહિતી વાંચો આ લેખમાં

સોમવાર તારીખ 3 ઓગષ્ટના રોજ રક્ષાબંધનના પર્વની સાથોસાથ ભુદેવો પોતાની જનોઇ પણ બદલશે. કોરોનાની મહામારીના કારણે આપ સામુહિક જનોઇ વિધિમાં ભાગ લેવા ન માંગતા હોય તો અમે તમારા માટે લાવ્યાં છે કેવી રીતે બદલશો તમારી જનોઇ. જનોઇ બદલવા માટેનું શુભમુર્હત સવારે 9.30 વાગ્યાથી 11 વાગ્યા સુધીનું છે. 

- - - - - જનોઈ બદલવાની સંક્ષિપ્ત વિધિ  - - - - - 

  • સ્નાન કરી, ધોતી પહેરી, ખુલ્લા શરીરે પુર્વ દિશામાં મુખ રહે એમ બેસવું અને  જમણા હાથમાં જળ રાખીને સંકલ્પ કરવો. નીચે દર્શાવ્યા મુજબ આપ સંકલ્પ લઇ શકો છો.

ૐ ર્વિષ્ણુ ર્વિષ્ણુ ર્વિષ્ણુ ... વિક્રમ સંવંત ૨૦૭૬ શિવ પ્રિય શ્રાવણ માસે શુકલ પક્ષે પૂર્ણિમા તિથૌ સોમવાસરે પ્રાતઃકાલે . . . મનમાં પોતાના ગોત્રનું ઉચ્ચાર કરો (અમુક ગોત્ર ઉતપન્નસ્ય ) અહમ શ્રોત સ્માર્ત કર્માનુષ્ટાન સિધ્યર્થ નુત્તન યજ્ઞૉપવિત ધારણમ અહમ કરીષ્યે ..... આમ સંકલ્પ કરી જળ નીચે તરભાણામાં મૂકો....

  • ત્યારબાદ ડાબા હાથમાં જનોઈ રાખી – જમણા હાથના આંગળા વડે  એના પર જળ છંટકાવ કરો અને નીચેનો મંત્ર બોલો 

ૐ અપવિત્ર પવિત્રો વા સર્વાવસ્થામ ગતોપિ વા ।

યઃ સ્મરેતપુંડરીકાક્ષમ સ બાહયાભ્યંતરઃ શુચિ : ॥

  • ત્યારબાદ એના પર જમણા હાથની હથેળી ઢાંકી – ૧૦ ગાયત્રી મંત્ર બોલો 
  • ત્યારબાદ જમણો હાથ લઈ લ્યો અને ડાબા હાથમાં જે જનોઇ રહેલી છે એના પર જમણા હાથ વડે થોડા થોડા ચોખા દાણા આવહયામી સ્થાપયામી એ શબ્દો બોલાય ત્યારે મૂકતાં જાવ અને નીચેના મંત્રો બોલતા જાવ….. 

ૐ પ્રથમ તંતો ઓમકારાય નમઃ ઓમકારમ આવહયામી સ્થાપયામી

ૐ દ્વિતીય તંતો અગ્નયે નમઃ અગ્નિમ આવહયામી સ્થાપયામી

ૐ તૃતીય તંતો નાગેભ્યો નમઃ નાગમ આવહયામી સ્થાપયામી

ૐ ચતુર્થ તંતો સોમાય નમઃ સોમમ આવહયામી સ્થાપયામી

ૐ પંચમ તંતો પિતૃભ્યો નમઃ પિતૃન આવહયામી સ્થાપયામી

ૐ ષષ્ઠમ તંતો પ્રજાપતયે નમઃ પ્રજાપતિમ આવહયામી સ્થાપયામી

ૐ સપ્તમ તંતો અનિલાય નમઃ અનિલમ આવહયામી સ્થાપયામી

ૐ અષ્ટમ તંતો યમાય નમઃ યમામ આવહયામી સ્થાપયામી

ૐ નવમ તંતો વિશ્વેભ્યો દેવેભ્યો નમઃ વિશ્વાન દેવાન આવહયામી સ્થાપયામી

ગ્રંથિ મધ્યે બ્રહ્મા વિષ્ણુ રૂદ્રેભ્યો નમઃ બ્રહ્મવિષ્ણુરુદ્રાન આવહયામી સ્થાપયામી

  • ત્યારબાદ થોડાક ચંદન ચોખા ફૂલ જનોઈ પર પધરાવીઆવાહિત યજ્ઞૉપવિત દેવતાભ્યો નમઃ  ગંધ અક્ષત પુષ્પાણી સમર્પયામિ મંત્ર બોલવો…  
  • ત્યારબાદ જનોઈને બે હાથના આંગળમાં ભરાવી હાથ ઊંચા કરી સૂર્યને બતાવો અને નીચેનો મંત્ર બોલી  ગળામાં માલની જેમ જનોઈ પહેરો અને પછી જમણો હાથ જનોઈમાથી બહાર કાઢી ડાબા ખભા પર રહે એમ જનોઈ ધારણ કરી લ્યો 

ૐ યજ્ઞૉપવિતમ પરમં પવિત્રમ પ્રજાપતેર્યત્સહજં પુરસ્તાત ।

આયુષ્યમગયમ પ્રતિમુંચ શુભ્રમ યજ્ઞૉપવિતમ બલમસ્તુ તેજ ॥

  • નવી જનોઈ ધારણ થઈ જાય પછી સૂર્ય ને ત્રણ અર્ધ્ય આપવા - ૐ સૂર્યાય નમઃ ૐ રવિયે નમઃ ૐ ભાસ્કરાય નમઃ ત્યારબાદ એતાવાદીનપર્યંતમ બ્રહ્મત્વંધારીતંમયા જીર્ણત્વાત્વત્પરીત્યાગો ગચ્છ સૂત્ર યથા સુખમ મંત્ર બોલી જૂની જનોઈ નો ત્યાગ કરવો. જૂની જનોઈને નીચે મૂકી એના પર ફૂલ ચોખા મૂકવા પછી એ જનોઈ વહેતા જળમાં પધરાવી દેવી. ત્યારબાદ જળની ચમચી ભરી રાખો અને જમણા હાથમાં અને નીચેનો સંકલ્પ કરવો .

નુત્તન યજ્ઞૉપવિત ધારણ નિમિતાંગ અમુક નામ

જાપ સંખ્યાનામ ગાયત્રી મંત્ર અહમ કરીષ્યે

  • નવી જનોઈ ધારણ કર્યા નિમિત્તે યથા શક્તિ ગાયત્રી મંત્ર માળા કરવી 

( માહિતી સૌજન્ય : ભોળાનાથ શાસ્ત્રી, વરતેજ )

#Rakshabandhan2020 #Rakhi 2020 #Bhudev #Bhramin Janoi #How do you change Janoi
Related Articles
Latest Stories
Read the Next Article
ICC દ્વારા WOMEN'S T20 વર્લ્ડકપનું શિડ્યૂલ કરાયું જાહેર, કુલ 12 ટીમો લેશે ભાગ

ICC દ્વારા WOMEN'S T20 વર્લ્ડકપનું શિડ્યૂલ કરાયું ...

ICC દ્વારા WOMEN'S T20 વર્લ્ડકપનું શિડ્યૂલ કરાયું જાહેર, કુલ 12 ટીમો લેશે ભાગ

ICC દ્વારા T20 વર્લ્ડકપનું શિડ્યૂલ જાહેર કરવામાં આવ્યું છે. આ વર્લ્ડકપ આવતા વર્ષે યોજાશે. શિડ્યૂલ જાહેર થતાં જ એ પણ નક્કી થઈ ગયું છે કે કઈ ટીમને કયા ગ્રુપમાં

author-image
By Connect Gujarat Desk in સ્પોર્ટ્સ Featured
New Update
ICC W

ICC દ્વારા T20 વર્લ્ડકપનું શિડ્યૂલ જાહેર કરવામાં આવ્યું છે. આ વર્લ્ડકપ આવતા વર્ષે યોજાશે. શિડ્યૂલ જાહેર થતાં જ એ પણ નક્કી થઈ ગયું છે કે કઈ ટીમને કયા ગ્રુપમાં રાખવામાં આવી છે.

ખાસ વાત એ છે કે ભારત અને પાકિસ્તાનને ફરીથી એક જ ગ્રુપમાં મૂકવામાં આવ્યા છે. આ બંને ટીમો વચ્ચેના મોટા મેચની તારીખ પણ જાહેર કરવામાં આવી છે.

મહિલા T20 વર્લ્ડકપ 2026 આવતા વર્ષે ઇંગ્લેન્ડમાં યોજાવાનો છે. આ વર્લ્ડ કપની 10મી આવૃત્તિ હશે. જૂનમાં યોજાનારા આ વર્લ્ડકપની પહેલી મેચ 12મી તારીખે થશે. જેમાં યજમાન ઇંગ્લેન્ડનો સામનો શ્રીલંકા સામે થવાનો છે. આ વર્લ્ડકપમાં કુલ 12 ટીમો ભાગ લેશે, તેથી કહી શકાય કે આ અત્યાર સુધીનો સૌથી મોટો વર્લ્ડકપ હશે. જો ગ્રુપ વિશે વાત કરીએ તો ICC એ આ માટે બે ગ્રુપ બનાવ્યા છે. ઓસ્ટ્રેલિયા ઉપરાંત, દક્ષિણ આફ્રિકા, ભારત અને પાકિસ્તાનને ગ્રુપ 1 માં સામેલ કરવામાં આવ્યા છે. આ ઉપરાંત, બે વધુ ટીમો આવશે, તે પછીથી નક્કી કરવામાં આવશે.

જો આપણે ભારત અને પાકિસ્તાન વચ્ચેના મુકાબલાની વાત કરીએ, તો આ મેચ 14 જૂને રમાશે. ભારત અને પાકિસ્તાનની ટીમો હવે ફક્ત ICC અથવા ACC ટુર્નામેન્ટમાં જ એકબીજાનો સામનો કરે છે, તેથી આ મેચનો ઉત્સાહ પણ ચરમસીમાએ છે. ભારત અને પાકિસ્તાન એક જ ગ્રુપમાં છે, તેથી તેમની વચ્ચેનો મુકાબલો ફક્ત લીગ સ્ટેજમાં જ શક્ય બનશે, ભવિષ્યમાં મેચ થવાની શક્યતા ખૂબ ઓછી છે.

T20 વર્લ્ડકપનું સંપૂર્ણ શિડ્યૂલ 
શુક્રવાર 12 જૂન: ઇંગ્લેન્ડ વિરૂદ્ધ શ્રીલંકા, એજબેસ્ટન
શનિવાર 13 જૂન: ક્વોલિફાયર વિરૂદ્ધ ક્વોલિફાયર, ઓલ્ડ ટ્રેફોર્ડ ક્રિકેટ ગ્રાઉન્ડ
શનિવાર 13 જૂન: ઓસ્ટ્રેલિયા વિરૂદ્ધ દક્ષિણ આફ્રિકા, ઓલ્ડ ટ્રેફોર્ડ ક્રિકેટ ગ્રાઉન્ડ
શનિવાર 13 જૂન: વેસ્ટ ઇન્ડીઝ વિરૂદ્ધ ન્યૂઝીલેન્ડ, હેમ્પશાયર બાઉલ
રવિવાર 14 જૂન: ક્વોલિફાયર વિરૂદ્ધ ક્વોલિફાયર, એજબેસ્ટન
રવિવાર 14 જૂન: ભારત વિરૂદ્ધ પાકિસ્તાન, એજબેસ્ટન
મંગળવાર 16 જૂન: ન્યુઝીલેન્ડ વિરૂદ્ધ શ્રીલંકા, હેમ્પશાયર બાઉલ
મંગળવાર 16 જૂન: ઇંગ્લેન્ડ વિરૂદ્ધ ક્વોલિફાયર, હેમ્પશાયર બાઉલ
બુધવાર 17 જૂન: ઓસ્ટ્રેલિયા વિરૂદ્ધ ક્વોલિફાયર, હેડિંગલી
બુધવાર 17 જૂન: ભારત વિરૂદ્ધ ક્વોલિફાયર, હેડિંગલી
બુધવાર ૧૭ જૂન: દક્ષિણ આફ્રિકા વિરૂદ્ધ પાકિસ્તાન, એજબેસ્ટન
ગુરુવાર ૧૮ જૂન: વેસ્ટ ઈન્ડિઝ વિરૂદ્ધ ક્વોલિફાયર, હેડિંગ્લી
શુક્રવાર ૧૯ જૂન: ન્યુઝીલેન્ડ વિરૂદ્ધ ક્વોલિફાયર, હેમ્પશાયર બાઉલ
શનિવાર ૨૦ જૂન: ઓસ્ટ્રેલિયા વિરૂદ્ધ ક્વોલિફાયર, હેમ્પશાયર બાઉલ
શનિવાર ૨૦ જૂન: પાકિસ્તાન વિરૂદ્ધ ક્વોલિફાયર, હેમ્પશાયર બાઉલ
શનિવાર ૨૦ જૂન: ઇંગ્લેન્ડ વિરૂદ્ધ ક્વોલિફાયર, હેડિંગ્લી
રવિવાર ૨૧ જૂન: વેસ્ટ ઈન્ડિઝ વિરૂદ્ધ શ્રીલંકા, બ્રિસ્ટોલ કાઉન્ટી ગ્રાઉન્ડ
રવિવાર ૨૧ જૂન: દક્ષિણ આફ્રિકા વિરૂદ્ધ ભારત, ઓલ્ડ ટ્રેફોર્ડ ક્રિકેટ ગ્રાઉન્ડ
મંગળવાર ૨૩ જૂન: ન્યુઝીલેન્ડ વિરૂદ્ધ ક્વોલિફાયર, બ્રિસ્ટોલ કાઉન્ટી ગ્રાઉન્ડ
મંગળવાર ૨૩ જૂન: શ્રીલંકા વિરૂદ્ધ ક્વોલિફાયર, બ્રિસ્ટોલ કાઉન્ટી ગ્રાઉન્ડ
મંગળવાર ૨૩ જૂન: ઓસ્ટ્રેલિયા વિરૂદ્ધ પાકિસ્તાન, હેડિંગ્લી
બુધવાર ૨૪ જૂન: ઇંગ્લેન્ડ વિરૂદ્ધ વેસ્ટ ઇન્ડીઝ, લોર્ડ્સ ક્રિકેટ ગ્રાઉન્ડ
ગુરુવાર ૨૫ જૂન: ભારત વિરૂદ્ધ ક્વોલિફાયર, ઓલ્ડ ટ્રેફોર્ડ ક્રિકેટ ગ્રાઉન્ડ
ગુરુવાર ૨૫ જૂન: દક્ષિણ આફ્રિકા વિરૂદ્ધ ક્વોલિફાયર, બ્રિસ્ટોલ કાઉન્ટી ગ્રાઉન્ડ
શુક્રવાર ૨૬ જૂન: શ્રીલંકા વિરૂદ્ધ ક્વોલિફાયર, ઓલ્ડ ટ્રેફોર્ડ ક્રિકેટ ગ્રાઉન્ડ
શનિવાર ૨૭ જૂન: પાકિસ્તાન વિરૂદ્ધ ક્વોલિફાયર, બ્રિસ્ટોલ કાઉન્ટી ગ્રાઉન્ડ
શનિવાર ૨૭ જૂન: ઇંગ્લેન્ડ વિરૂદ્ધ ન્યુઝીલેન્ડ, ધ ઓવલ
રવિવાર ૨૮ જૂન: દક્ષિણ આફ્રિકા વિરૂદ્ધ ક્વોલિફાયર, લોર્ડ્સ ક્રિકેટ ગ્રાઉન્ડ
રવિવાર ૨૮ જૂન: ઓસ્ટ્રેલિયા વિરૂદ્ધ ભારત, લોર્ડ્સ ક્રિકેટ ગ્રાઉન્ડ

મંગળવાર ૩૦ જૂન: ટીબીસી વિરૂદ્ધ ટીબીસી (સેમી-ફાઇનલ ૧), ધ ઓવલ
ગુરુવાર ૨ જુલાઈ: ટીબીસી વિરૂદ્ધ ટીબીસી (સેમી-ફાઇનલ ૨), ધ ઓવલ
રવિવાર ૫ જુલાઈ: ટીબીસી વિરૂદ્ધ ટીબીસી (ફાઇનલ), લોર્ડ્સ ક્રિકેટ ગ્રાઉન્ડ

Latest Stories