પરફેકટ માપ અને પધ્ધતિ સાથે ઘરે જ બનાવો બજાર કરતાં પણ વધુ ટેસ્ટી ખીચું, બનાવવું છે એકદમ સરળ....
ખીંચું ગુજરાતનું સૌથી ફેમસ સ્ટ્રીટ ફૂડ છે. આ ખીંચું ચોખાના લોટ માંથી બનાવવામાં આવે છે
ખીંચુંનું નામ પડતાં જ દરેક વ્યક્તિના મોંમાં પાણી આવી જાય છે. ખીંચું ગુજરાતનું સૌથી ફેમસ સ્ટ્રીટ ફૂડ છે. આ ખીંચું ચોખાના લોટ માંથી બનાવવામાં આવે છે. ચોમાસા અને શિયાળા દરમિયાન દરેક ઘરમાં ખીંચું બને જ છે. જો કે ખીંચું બનાવવું મુશ્કેલ કામ છે તેવું લોકો માને છે. પરંતુ જો તમે પરફેકટ માપ સાથે ખીચું બનાવશો તો એકદમ મસ્ત અને ચટાકેદાર ખીચું બનશે. તો આ રહી તેને બનાવવાની રેસેપી, આજે જ ટ્રાય કરો....
ખીચું બનાવવાની સામગ્રી
· 1 કપ ચોખાનો લોટ
· 1 ચમચી લાલ મરચું પાવડર
· 1 ચમચી જીરું
· 1 ચમચી જીણા સમારેલા મરચાં
· 4 કપ પાણી
· 2 ચમચી તેલ
· જીણી સમારેલી કોથમીર
ખીચું બનાવવાની રીત
· ખીચું બનાવવા માટે એક તપેલામાં 3 વાટકી પાણી ઉકળવા મૂકો. તેમાં લીલા મરચાં, વાટેલું જીરું, મીઠું, થોડો પાપડનો ખારો ઉમેરો. આ ખારાને તમે અવોઈડ પણ કરી શકો છો.
· પાણી ઉકળી જાય પછી તેમાં ચોખાનો લોટ ઉમેરો. લોટ ઉમેરતી વખતે તેને વેલણની મદદથી એક જ દિશામાં સતત હલાવતા રહો. ધયાન રાખવું કે લોટમાં ગંઠા ના પડી જાય.
· એ મિનિટ સુધી મિશ્રણને બરાબર હલાવો. જ્યારે મિશ્રણ ઘટ્ટ થઈ જાય પછી તેને ગૅસ પરથી નીચે ઉતારી દો.
· હવે ગેસ પર એક કુકર મૂકો. અને કુકરમાં દોઢ ગ્લાસ પાણી નાખો. હવે તેને ઉકળવા દો. હવે તેમાં સ્ટેન્ડ મૂકીને તેના પર તૈયાર કરેલા ખીચુનું તપેલું રાખો અને તેની પર 1 વાટકી પાણી રેડી દો. પાણીને ખીચુમાં મિકસ ના કરવું.
· હવે તપેલા પર ડિશ ઢાંકી દો અને કુકરને બંધ કરીને 5 સિટી થવા દો. ત્યાર બાદ ગેસ બંધ કરીને કુકરને ખોલીને ખીચું બહાર કાઢી લો.
· હવે ગરમાગરમ ખીચુંને પ્લેટમાં કાઢીને તેના પર તેલ, લાલ મરચું પાવડર અને ઝીણી સમારેલી કોથમીર ઉમેરીને સર્વ કરો.