ટેસ્ટી મશરૂમ કટલેટ બનાવો, સરળ રેસીપી અહી આપી છે

વરસાદની સિઝનમાં તળેલી વસ્તુઓની લાલસાને સંતોષવા માટે મશરૂમ કટલેટ શ્રેષ્ઠ છે.ચાટ અને પકોડાની સુગંધ એવી હોય છે કે જ્યારે પેટ ભરેલું હોય ત્યારે પણ તેને ખાવાથી રોકવું ખૂબ મુશ્કેલ હોય છે અને વરસાદની મોસમમાં તેને ખાવાની તલપ વધુ વધી જાય છે. તો આજે અમે તમને એવી જ એક રેસિપી વિશે જણાવવા જઈ રહ્યા છીએ, જે ચોમાસા દરમિયાન સાંજના નાસ્તા માટે શ્રેષ્ઠ છે. બનાવવા માટે પણ ખૂબ જ સરળ છે.

સામગ્રી- 
બટન મશરૂમ – 200 ગ્રામ, બટેટા – 1 નાની સાઈઝ, ડુંગળી (બારીક સમારેલી) – 1, ટામેટા (બારીક સમારેલી) – ¼ કપ, ધાણા પાવડર – ¼ ચમચી, લાલ મરચું પાવડર – ¼ ચમચી, જીરું પાવડર – ¼ ચમચી, મીઠું- ¼ ચમચી, કાળા મરી પાવડર- ¼ ચમચી, મોનોસોડિયમ ગ્લુટામેટ (MSG)- 1 ચમચી, ગરમ મસાલા પાવડર- ¼ ચમચી, બ્રેડનો ભૂકો- 3 ચમચી, ચોખાનો લોટ- 3 ચમચી, તેલ- 2 ચમચી + તળવા માટે પાણી- જરૂરિયાત મુજબ

બનાવવાની રીત નોંધી લો  : 
બટાકાને બાફીને, તેની છાલ કાઢી, મેશ કરીને બાજુ પર રાખો. મશરૂમને 6 થી 8 નાના ટુકડાઓમાં કાપો.પેનમાં 2 ચમચી તેલ ગરમ કરો. તેમાં ડુંગળીને 1 મિનિટ માટે ફ્રાય કરો. હવે તેમાં મરચું પાવડર, ધાણા પાવડર, જીરું પાવડર, કાળા મરી પાવડર, મીઠું અને સમારેલા ટામેટા ઉમેરો.ટામેટાં નરમ થાય ત્યાં સુધી રાંધો.હવે તેમાં મશરૂમ ઉમેરો અને તેની ભેજ જતી રહે ત્યાં સુધી પકાવો.આ મિશ્રણને છૂંદેલા બટાકામાં મિક્સ કરો. ગરમ મસાલો, મોનોસોડિયમ ગ્લુટામેટ (MSG) અને બ્રેડ ક્રમ્બ્સ ઉમેરો અને બધું મિક્સ કરો.હવે આ મિશ્રણમાંથી પેટીસ તૈયાર કરો અને તેને ચોખાના લોટમાં લપેટી લો.કડાઈ અથવા પેનમાં તેલ ગરમ કરો. આમાં આ પેટીસને શેલો ફ્રાય કરો. બંને બાજુ ક્રિસ્પી થાય ત્યાં સુધી પકાવો.તૈયાર છે મશરૂમ કટલેટ.