મીઠી સ્વાદિષ્ટ ચોખાની ખીર બનાવવા નોંધી લો રેસીપી

ચોખાની ખીર એક સ્વાદિષ્ટ મીઠી વાનગી છે. જે આખા ભારતમાં બધાને જ ભાવે છે. આ ખીર બનાવવામાં પણ સરળ છે. જો તમને અચાનક ગળ્યું ખાવાનું મન થાય તો તમે ઝડપથી ચોખાની ખીર બનાવી શકો છો. તો ચાલો ખીર બનાવતા શીખી લો. નોંધી લો રેસીપી : 

સામગ્રીમાં : 
ચોખા, દૂધ, ચમચી ખાંડ ( પાસન પ્રમાણે ) , બદામ-પિસ્તાની થોડી કતરણ, ઈલાયચી પાઉડર
બનાવવાની રીત : 
પહેલા તો ચોખાને ધોઈને 10-15મિનિટ સુધી પલાળી રાખો. ત્યારબાદ દૂધને ગરમ કરવા મૂકો.દૂધનો ઊભરો આવે એટલે પલાળેલા ચોખા માંથી પાણી નીતારી ચોખાને દૂધમાં નાંખો.હવે દૂધને થોડી-થોડી વારે હલાવતા રહેવું જેથી દૂધ કે ચોખા નીચે તળિયામાં ન ચોંટે.હવે ચોખાને દૂધમાં ચડવા દો.ચોખા ચડી ગયા હોય તો હાથમાં લઈને દબાવીને ચેક કરી લો.ચોખા ચડી ગયા પછી જ એમાં ખાંડ ઉમેરો. ખાંડ ઓગળે પછી થોડી વાર રહીને ગૅસ બંધ કરી દો.ખીર ઠંડી અને ગરમ બંને સારી લાગે છે. ડ્રાયફ્રૂટ્સ ને દૂધમાં બનાવતી વખતે અથવા ઉપરથી નાખીને સર્વ કરો.