બપોરના ભોજનને ખાસ બનાવશે આ પાલક પનીર, મળશે અદ્ભુત સ્વાદ, જાણી લો રેસેપી
પાલક પનીર કરી ઘણી વાર પ્રસંગોમાં બનાવવામાં આવે છે. પાલક પનીર પાર્ટીઓમાં ખૂબ જ સારું લાગે છે. પરંતુ હવે તમે ઘરે પણ પાલક પનીર બનાવી શકો છો. પાલક પનીર ખાવામાં જેટલું ટેસ્ટી છે એટલુ જ હેલ્ધી પણ છે. પૌષ્ટિક પાલક અને પ્રોટીન યુક્ત પનીર સ્વાસ્થ્ય માટે ખૂબ જ ફાયદાકારક છે. જો તમે પણ પાલક પનીર ખાવાનું પસંદ કરો છો તો તમે તેને ઘરે સરળતાથી બનાવી શકો છો. આવો જાણીએ પાલક પનીર બનાવવાની સરળ રેસેપી...
પાલક પનીરનું શાક બનાવવા માટે સામગ્રી
પાલક – ½ કિલો
પનીર ક્યુબ્સ – 1 કપ
આદું – એક ઈંચનો ટુકડો
જીણી સમારેલી ડુંગળી – 1
ટામેટાં જીણા સમારેલા -1
લસણની- 1
લીલા મરચા – 3-4
જીરું – 1 ચમચી
લવિંગ – 3-4
તજ – 1 ઇંચનો ટુકડો
તેજપત્તા – 1
કસુરી મેથી – 2 ચમચી
માખણ – 1 ચમચી
પોડ એલચી – 2
ક્રીમ – 2 ચમચી
ગરમ મસાલો – 1/4 ચમચી
તેલ – 3-4 ચમચી
મીઠું – સ્વાદ મુજબ
પાલક પનીર બનાવવાની રીત
પાલક પનીર શાક બનાવવા માટે સૌપ્રથમ પાલકના પાન તોડી લો અને જાડા ડંઠલને અલગ કરો. આ પછી એક વાસણમાં 6-7 કપ પાણી નાખીને ગરમ કરો. પાણી ગરમ થયા બાદ તેમાં પાલકના પાન નાખીને મધ્યમ તાપ પર થોડી વાર ઉકાળો. જ્યારે પાલકનો રંગ બદલાવા લાગે અને પાન એકદમ નરમ થઈ જાય તો ગેસ બંધ કરી દો. આ પછી પાલકના પાનને ગરમ પાણીમાંથી કાઢીને ઠંડા પાણીની નીચે ધોઈ લો.
જ્યારે પાલક સંપૂર્ણપણે ઠંડી થઈ જાય, ત્યારે તેને મિક્સર જારમાં મૂકો અને તેમાં લસણ, આદુ અને લીલા મરચાં ઉમેરીને પીસી લો. પાલકની સ્મૂધ પેસ્ટ તૈયાર થઈ જાય પછી તેને મિક્સર જારમાંથી કાઢીને એક મોટા બાઉલમાં લઈ લો. હવે એક પેનમાં માખણ અને તેલ નાખીને ગરમ કરો. માખણ ઓગળ્યા પછી, પનીરના ટુકડા ઉમેરો અને તેને ગોલ્ડન બ્રાઉન થાય ત્યાં સુધી ફ્રાય કરો. આ પછી પનીરના ટુકડાને એક બાઉલમાં કાઢી લો.
હવે પેનમાં થોડું વધુ તેલ નાખીને ગરમ કરો. તેલ ગરમ થાય પછી તેમાં જીરું, તજ, તેજપત્તા અને અન્ય મસાલા નાખીને સાંતળો. જ્યારે મસાલો સુગંધ આપવા લાગે, ત્યારે તેમાં ઝીણી સમારેલી ડુંગળી નાખીને સાંતળો. ડુંગળી આછો ગુલાબી થાય પછી તેમાં સમારેલા ટામેટાં ઉમેરો અને નરમ થાય ત્યાં સુધી પકાવો. હવે એક પેનમાં તૈયાર પાલકની પેસ્ટને પકાવો અને થોડું પાણી ઉમેરો.
થોડી વાર પછી જ્યારે ગ્રેવી ઉકળવા લાગે ત્યારે તેમાં સ્વાદ પ્રમાણે મીઠું નાખીને ચમચી વડે મિક્સ કરો. આ પછી ગ્રેવીમાં તળેલા પનીરના ટુકડા ઉમેરો અને તેને ગ્રેવી સાથે સારી રીતે મિક્સ કરો. શાકને બીજી 5 મિનિટ પકાવો, પછી ગેસ બંધ કરો. સ્વાદથી ભરપૂર પાલક પનીર કરી તૈયાર છે. તેમાં ફ્રેશ ક્રીમ, કસૂરી મેથી અને ગરમ મસાલો ઉમેરો. પાલક પનીરને રોટલી, પરાઠા, નાન કે ભાત સાથે સર્વ કરી શકાય છે.
