ભરૂચ જિલ્લાના વાલિયા સ્થિત UPL યુનિવર્સિટી ખાતે ભરૂચ જિલ્લા પોલીસ વિભાગ દ્વારા વિદ્યાર્થી-વિદ્યાર્થીનીઓ માટે જનજાગૃતિ સેમિનારનું આયોજન કરવામાં આવ્યું હતું.
ભરૂચ જિલ્લાના ઇન્ચાર્જ પોલીસ અધિક્ષક અજયકુમાર મીણાના માર્ગદર્શન હેઠળ અને મહિલા પોલીસ મથકના ઇન્ચાર્જ પીઆઈ પી.આર.વાઘેલાની સૂચના મુજબ ગત તા. 07/08/2025ના રોજ વાલિયા ખાતે આવેલી UPL યુનિવર્સિટીમાં વિદ્યાર્થી-વિદ્યાર્થીનીઓ માટે જાગૃતિ સેમિનારનું આયોજન કરવામાં આવ્યું હતું.
આ સેમિનારમાં પીએસઆઈ વી.એ.આહીર દ્વારા વર્તમાન સમયમાં વધતી ગુનાહિત ઘટનાઓને ધ્યાનમાં રાખી સ્વરક્ષણ, જાતીય શોષણ, હેરાનગતિ, છેડતી તેમજ સાયબર ક્રાઇમ જેવા વિષયો પર વિગતવાર માર્ગદર્શન આપવામાં આવ્યું હતું.
ભરૂચ જિલ્લા પોલીસ વિભાગ તરફથી તૈયાર કરાયેલ પ્રેઝન્ટેશન અને ડોક્યુમેન્ટરી ફિલ્મ પણ વિદ્યાર્થીઓને દર્શાવવામાં આવી હતી. આ પ્રસંગે ભરૂચ સહિત અંકલેશ્વર શી ટીમના સભ્યોએ પોતાની કાર્યપદ્ધતિ અંગે માહિતી આપી વિદ્યાર્થીઓ અને UPL યુનિવર્સિટી પરિવારને માર્ગદર્શન આપ્યું હતું.
