સ્પેને શાનદાર પ્રદર્શન સાથે ફિફા વર્લ્ડ કપ 2026 જીત્યો હતો. રવિવાર, 19 જુલાઈના રોજ ન્યૂ જર્સીના મેટલાઇફ સ્ટેડિયમ ખાતે રમાયેલી ફાઇનલમાં સ્પેને ડિફેન્ડિંગ ચેમ્પિયન આર્જેન્ટિનાને 1-0થી હરાવ્યું. નિર્ધારિત સમય સુધી સ્કોર 0-0થી બરાબર હતો જેના કારણે મેચ એકસ્ટ્રા ટાઈમમાં ગઈ હતી જ્યાં સ્પેનિશ ટીમ જીતી ગઈ. સબસ્ટિટ્યુટ ફેરન ટોરેસે 106મી મિનિટે સ્પેન માટે ગોલ કર્યો. ટોરેસે બીજા સબસ્ટિટ્યુટ ખેલાડી નિકો વિલિયમ્સનો પાસ મેળવ્યો અને તે ગોલ કરવામાં સફળ રહ્યો.

સ્પેને બીજી વખત ફિફા વર્લ્ડ કપ જીત્યો. અગાઉ તે 2010માં ચેમ્પિયન બન્યું હતું. બીજી તરફ આર્જેન્ટિના તેનું ચોથું વર્લ્ડ કપ ટાઇટલ જીતવામાં નિષ્ફળ રહ્યું. આર્જેન્ટિના ઇટાલી અને બ્રાઝિલની સિદ્ધિ હાંસલ કરવામાં નિષ્ફળ ગયું, જેમણે સતત બે ટાઇટલ જીત્યા. ઇટાલીએ 1934 અને 1938 સીઝન જીતી હતી, જ્યારે બ્રાઝિલે 1958 અને 1962 વર્લ્ડકપ જીત્યો હતો. આર્જેન્ટિનાના કેપ્ટન લિયોનેલ મેસ્સીનો જાદુ ફાઇનલમાં બિલકુલ કામ ન કર્યો.બંને ટીમોનો ટાઇટલ મુકાબલા સુધીનો પ્રવાસ સરળ નહોતો. સ્પેને ફ્રાન્સ અને પોર્ટુગલ જેવી મજબૂત ટીમોને હરાવી હતી, જ્યારે આર્જેન્ટિનાએ સતત ત્રણ નોકઆઉટ મેચ જીતી હતી, જેમાં રોમાંચક એક્સ્ટ્રા-ટાઇમ મેચ જીતીને ફાઇનલમાં પ્રવેશ કર્યો હતો.