ટી20 વર્લ્ડ કપ 2026 ફાઇનલમાં અભિષેક શર્માએ બનાવ્યા અનેક રેકોર્ડ, 18 બોલમાં પોતાની અડધી સદી કરી પૂરી

અભિષેક શર્માએ ટી20 વર્લ્ડ કપ 2026 ફાઇનલમાં અનેક રેકોર્ડ બનાવ્યા. તેણે ન્યુઝીલેન્ડ સામે 21 બોલમાં 52 રનની વિસ્ફોટક ઇનિંગ દરમિયાન અનેક રેકોર્ડ બનાવ્યા. આ મેચમાં તેણે ફક્ત 18 બોલમાં પોતાની અડધી સદી પૂરી કરી. આ ઇનિંગમાં તેણે 6 ચોગ્ગા અને 3 છગ્ગા ફટકાર્યા. જાણો અંતિમ મેચમાં અભિષેકે કયા 3 રેકોર્ડ તોડ્યા. અભિષેક 21 બોલમાં 52 રન બનાવીને આઉટ થયો હતો. 

અભિષેક શર્માએ 18 બોલમાં અડધી સદી પૂરી કરી. તે ટી20 વર્લ્ડ કપ ફાઇનલમાં અડધી સદી ફટકારનાર સૌથી ઝડપી બેટ્સમેન બન્યો છે. તેણે દક્ષિણ આફ્રિકાના હેનરિક ક્લાસેનનો રેકોર્ડ તોડ્યો, જેમણે 2024ના વર્લ્ડ કપ ફાઇનલમાં ભારત સામે 23 બોલમાં ફિફ્ટી ફટકારી હતી.ન્યૂઝીલેન્ડ સામેની આ ફાઇનલ મેચમાં સંજુ સેમસન અને અભિષેક શર્માએ મળીને પાવરપ્લેમાં 92 રન બનાવ્યા. આ ટી20 વર્લ્ડ કપ ઇતિહાસમાં સૌથી વધુ પાવરપ્લે સ્કોર છે. અભિષેકે પહેલા છ ઓવરમાં જ પોતાની ફિફ્ટી પૂરી કરી લીધી હતી. અગાઉ વેસ્ટ ઈન્ડિઝે પણ વર્લ્ડ કપ મેચના પાવરપ્લેમાં 92 રન બનાવ્યા હતા, પરંતુ તેમણે માત્ર એક વિકેટ ગુમાવ્યા બાદ આ સિદ્ધિ હાંસલ કરી હતી, જ્યારે ટીમ ઈન્ડિયાએ એક પણ વિકેટ ગુમાવ્યા વિના આમ કર્યું હતું.