અભિનેત્રી ઉર્વશી ધોળકિયાને નડ્યો અકસ્માત, સ્કૂલ બસે મારી ટક્કર

નાના પડદાની જાણીતી અભિનેત્રીઓની વાત કરીએ તો તેમાં ઉર્વશી ધોળકિયાનું નામ ચોક્કસથી સામેલ થશે. આ દરમિયાન ઉર્વશી ધોળકિયાને લઈને મોટા સમાચાર આવી રહ્યા છે. પ્રાપ્ત માહિતી અનુસાર ઉર્વશી ધોળકિયાની કારને મુંબઈમાં અકસ્માત નડ્યો હતો. જોકે આ અકસ્માતમાં ઉર્વશી ધોળકિયાને ગંભીર ઈજા થઈ નથી. તે જાણીતું છે કે ઉર્વશી ધોળકિયા સુપરસ્ટાર સલમાન ખાનના રિયાલિટી ટીવી શો બિગ બોસ 6ની વિજેતા રહી ચૂકી છે.

ઉર્વશી ધોળકિયાનો આ અકસ્માત શનિવારે થયો હતો. ઉર્વશી ધોળકિયા શોના શૂટિંગ માટે પોતાની કારમાં બેસીને મુંબઈના મીરા રોડ ફિલ્મ સ્ટુડિયો તરફ જઈ રહી છે. ત્યારે પાછળથી બાળકોથી ભરેલી સ્કૂલ બસે કાશીમીરા વિસ્તારમાં ઉર્વશી ધોળકિયાની કારને ટક્કર મારી હતી. જોકે, આ અકસ્માતમાં ઉર્વશી ધોળકિયા અને તેના સ્ટાફના સભ્યોનો આબાદ બચાવ થયો હતો. પ્રાપ્ત માહિતી અનુસાર એવું પણ કહેવામાં આવી રહ્યું છે કે સ્કૂલ બસ હોવાથી ઉર્વશીએ આ મામલે કોઈપણ કાયદાકીય કાર્યવાહી કરવાનો ઇનકાર કર્યો છે. જોકે રોડ અકસ્માતમાં ઉર્વશી ધોળકિયાને કોઈ ગંભીર ઈજા થઈ હોવાની કોઈ માહિતી નથી. સૂત્રોને ટાંકીને જણાવવામાં આવી રહ્યું છે કે ડોક્ટરે ઉર્વશી ધોળકિયાને થોડા દિવસ આરામ કરવાની સલાહ આપી છે. ઉર્વશી ધોળકિયાના અકસ્માતના સમાચાર સાંભળીને તેના ચાહકો ચોંકી ગયા છે.