AUS vs ENG : ઓસ્ટ્રેલિયાએ ઇંગ્લેન્ડ સામે બોક્સિંગ ડે ટેસ્ટ માટે પોતાની ટીમ કરી જાહેર

ઓસ્ટ્રેલિયાએ ઇંગ્લેન્ડ સામે બોક્સિંગ ડે ટેસ્ટ માટે પોતાની ટીમ જાહેર કરી છે. કેપ્ટન પેટ કમિન્સ અને નાથન લિયોન ટીમમાંથી બહાર કરાયા છે. ઝાય રિચાર્ડસન અને ટોડ મર્ફીની વાપસી થઈ છે.

રિચાર્ડસન ટીમમાં કમિન્સની જગ્યાએ છે, જ્યારે મર્ફી લિયોનની જગ્યાએ છે. ઓસ્ટ્રેલિયા અને ઇંગ્લેન્ડ વચ્ચેની એશિઝ શ્રેણીની ચોથી ટેસ્ટ બોક્સિંગ ડે ટેસ્ટ, 26 ડિસેમ્બરથી શરૂ થઈ રહી છે. આ મેચ મેલબોર્નમાં રમાશે.

પેટ કમિન્સને બોક્સિંગ ડે ટેસ્ટમાંથી પડતો મુકવો એ ઓસ્ટ્રેલિયન ટીમના મેનેજમેન્ટ યોજનાનો એક ભાગ છે. ત્રીજી ટેસ્ટ દરમિયાન થયેલી ઈજાને કારણે નાથન લિયોનને બોક્સિંગ ડે ટેસ્ટમાંથી બહાર કરવામાં આવ્યો છે. લિયોનને હવે જમણા હેમસ્ટ્રિંગમાં ઈજા થશે.

4 વર્ષ પછી આ ખેલાડીની વાપસી 

બોક્સિંગ ડે ટેસ્ટમાં પેટ કમિન્સની જગ્યાએ ઝાય રિચાર્ડસનનો સમાવેશ કરવામાં આવ્યો છે. 29 વર્ષીય જમણા હાથના ઝડપી બોલર રિચાર્ડસન 2021માં ઇંગ્લેન્ડ સામે પોતાની છેલ્લી ટેસ્ટ મેચ રમી હતી. હવે ચાર વર્ષ પછી તે ટેસ્ટ ટીમમાં પરત ફરી રહ્યો છે. રિચાર્ડસન ત્રણ ટેસ્ટ રમી ચૂક્યો છે, જેમાં તેણે 11 વિકેટ લીધી છે.

પેટ કમિન્સ ઓસ્ટ્રેલિયાના નિયમિત ટેસ્ટ કેપ્ટન છે. જોકે, તેઓ બોક્સિંગ ડે ટેસ્ટ માટે ટીમનો ભાગ નહીં હોવાથી ફરી એકવાર કેપ્ટનશીપ સ્ટીવ સ્મિથને સોંપવામાં આવી છે. કમિન્સ ઈજાને કારણે બહાર થયો ત્યારે સ્ટીવ સ્મિથે પણ પ્રથમ બે એશિઝ ટેસ્ટમાં ટીમની કેપ્ટનશીપ કરી હતી. 

બોક્સિંગ ડે ટેસ્ટ માટે ઓસ્ટ્રેલિયાની ટીમ:

સ્ટીવ સ્મિથ (કેપ્ટન), સ્કોટ બોલેન્ડ, એલેક્સ કેરી, બ્રેન્ડન ડોગેટ, કેમરૂન ગ્રીન, ટ્રેવિસ હેડ, જોશ ઇંગ્લિસ, ઉસ્માન ખ્વાજા, માર્નસ લાબુશેન, ટોડ મર્ફી, માઈકલ નેસર, ઝાય રિચાર્ડસન, મિશેલ સ્ટાર્ક, જેક વેધરલ્ડ, બ્યૂ વેબસ્ટર