એશિયન ચેમ્પિયન્સ ટ્રોફીમાં ભારતે પાકિસ્તાનને 4-0થી હરાવ્યું, કેપ્ટન હરમનપ્રીતે બે પેનલ્ટી કોર્નર કર્યા ગોલ

હાલમાં ચેન્નાઈમાં એશિયન ચેમ્પિયન્સ ટ્રોફી ચાલી રહી છે. સ્પર્ધામાં બુધવારે ભારત અને પાકિસ્તાન વચ્ચે મેચ હતી. જેના કારણે સ્ટેડિયમ ખીચોખીચ ભરાઈ ગયું હતું. રેફરીની વ્હિસલ સાથે રમત શરૂ થઈ અને ભારતીય ટીમે પાકિસ્તાની ગોલપોસ્ટ પર હુમલો કરવાનું શરૂ કર્યું.

હોકીમાં પાકિસ્તાન સામે ભારતીય ટીમનું પ્રદર્શન એટલું શાનદાર હતું કે સ્ટેડિયમમાં હાજર પ્રશંસકોની ખુશી આસમાને પહોંચી ગઈ હતી. અને જ્યારે 'વંદે માતરમ' ગીત સ્ટેડિયમના સ્પીકર્સ પર ગૂંજ્યું,

એશિયન ચેમ્પિયન્સ ટ્રોફીમાં ભારતે પાકિસ્તાનને 4-0થી હરાવતાં કેપ્ટન હરમનપ્રીતે બે પેનલ્ટી કોર્નર ગોલ કર્યા હતા. મેચ શરૂ થયાના થોડા સમય બાદ ભારતે પાકિસ્તાન સામે પહેલો ગોલ કર્યો હતો. આ પછી પાકિસ્તાન પ્રથમ હાફમાં 2-0થી પાછળ રહી ગયું હતું. મેચના અંત સુધી પાકિસ્તાનની ટીમ લાખ પ્રયાસો પછી પણ ભારતીય હોકી ટીમને હરાવી શકી ન હતી અને ગોલ કરવામાં નિષ્ફળ રહી હતી. આ સાથે ભારતીય હોકી ટીમ ટૂર્નામેન્ટની સેમી ફાઇનલમાં પહોંચી ગઈ છે.