ICCએ સેમિફાઇનલ શેડ્યૂલ કર્યું જાહેર, ભારત અને ઓસ્ટ્રેલિયા વચ્ચે થશે મુકાબલો

ICC મહિલા વર્લ્ડ કપ 2025 તેના અંતિમ તબક્કા તરફ આગળ વધી રહ્યો છે. ઓસ્ટ્રેલિયા, દક્ષિણ આફ્રિકા, ઇંગ્લેન્ડ અને ભારત વર્લ્ડ કપ સેમિફાઇનલ માટે ક્વોલિફાય થઈ ગયા છે. રવિવાર, 25 ઓક્ટોબરના રોજ ઓસ્ટ્રેલિયા અને દક્ષિણ આફ્રિકા વચ્ચેની મેચે પણ સેમિફાઇનલ સ્થાનની પુષ્ટિ કરી. આ મેચ પછી, ICC એ સેમિફાઇનલ શેડ્યૂલ જાહેર કર્યું, જેમાં પુષ્ટિ મળી કે ભારત મહિલા વર્લ્ડ કપ સેમિફાઇનલમાં ઓસ્ટ્રેલિયાનો સામનો કરશે.

વિમેન્સ વર્લ્ડ કપ સેમિફાઇનલનો પહેલી મેચ બુધવાર, 29 ઓક્ટોબરના રોજ ઇંગ્લેન્ડ અને દક્ષિણ આફ્રિકા વચ્ચે રમાશે. આ મેચ ગુવાહાટીના બારસાપારા ક્રિકેટ સ્ટેડિયમ ખાતે યોજાશે. બીજી સેમિફાઇનલ ભારત અને ઓસ્ટ્રેલિયા વચ્ચે ગુરુવાર, 30 ઓક્ટોબરના રોજ ડૉ. ડીવાય પાટિલ સ્પોર્ટ્સ એકેડેમી ખાતે રમાશે. બંને મેચ બપોરે 3 વાગ્યે શરૂ થશે.

• પ્રથમ સેમિફાઇનલ - બુધવાર, 29 ઓક્ટોબર; ઇંગ્લેન્ડ વિરુદ્ધ દક્ષિણ આફ્રિકા
• બીજી સેમિ-ફાઇનલ - ગુરુવાર, 30 ઓક્ટોબર; ભારત વિરુદ્ધ ઓસ્ટ્રેલિયા

મહિલા વર્લ્ડ કપ 2025 પોઈન્ટ ટેબલમાં ઓસ્ટ્રેલિયા 13 પોઈન્ટ સાથે મોખરે છે. પહેલાથી જ નક્કી થઈ ગયું હતું કે 25 ઓક્ટોબરે ઓસ્ટ્રેલિયા અને દક્ષિણ આફ્રિકા વચ્ચેની મેચ જીતનાર ટીમ ટોચનું સ્થાન મેળવશે. મેચ પહેલા ઓસ્ટ્રેલિયાના 11 પોઈન્ટ હતા અને દક્ષિણ આફ્રિકાના 10 પોઈન્ટ હતા. જીત સાથે ઓસ્ટ્રેલિયા નંબર વન બન્યું.