IND vs PAK : એશિયા કપ ફાઇનલમાં પાકિસ્તાને ભારતને 147 રનનો આપ્યો ટાર્ગેટ, કુલદીપ યાદવે 4 વિકેટ લીધી

એશિયા કપ ફાઇનલમાં પાકિસ્તાને ભારતને 147 રનનો ટાર્ગેટ આપ્યો છે. દુબઈ ઇન્ટરનેશનલ સ્ટેડિયમ ખાતે રમાઈ રહેલી મેચમાં ભારતીય બોલરોએ પાકિસ્તાનને 19.1 ઓવરમાં 146 રનમાં ઓલઆઉટ કરી દીધું.

કુલદીપ યાદવે 4 વિકેટ લીધી, જેમાં તેણે પોતાની સ્પેલની છેલ્લી ઓવરમાં 3 વિકેટ ઝડપી.

જસપ્રીત બુમરાહ, વરુણ ચક્રવર્તી અને અક્ષર પટેલે 2-2 વિકેટ લીધી. પાકિસ્તાન તરફથી સાહિબઝાદા ફરહાને સૌથી વધુ 57 રન બનાવ્યા.

પાકિસ્તાનનો સ્કોર એક સમયે 1વિકેટે 113 રન હતો. અહીંથી, તેમણે આગામી 43 રનમાં 9 વિકેટ ગુમાવી દીધી. જસપ્રીત બુમરાહએ હારિસ રઉફને બોલ્ડ કર્યો. આ પછી, તેણે જેટ ક્રેશનો ઈસારો કરીને રઉફને તેની જ ભાષામાં જવાબ આપ્યો હતો.