/connect-gujarat/media/media_files/2024/10/29/l5GnUR9rVbA6R15Sh4CU.jpg)
ભારતે ત્રીજી વનડે મેચમાં ન્યુઝીલેન્ડને 6 વિકેટે હરાવ્યું છે. આ સાથે ભારતીય મહિલાઓએ ત્રણ મેચની વનડે સીરીઝ 2-1થી જીતી લીધી છે. અમદાવાદમાં રમાયેલી શ્રેણીની ત્રીજી મેચમાં ન્યુઝીલેન્ડે પ્રથમ રમતા 232 રન બનાવ્યા હતા. જવાબમાં ટીમ ઈન્ડિયાએ 34 બોલ બાકી રહેતા મેચ અને સિરીઝ બંને જીતી લીધી હતી. સ્મૃતિ મંધાનાએ ખરાબ ફોર્મનો સિલસિલો સમાપ્ત કરતા શાનદાર સદી ફટકારી હતી.
આ મેચમાં ન્યૂઝીલેન્ડે ટોસ જીતીને પ્રથમ બેટિંગ કરવાનો નિર્ણય કર્યો હતો. ભારતીય બોલિંગે શરૂઆતમાં કીવી ટીમ પર પ્રભુત્વ જમાવ્યું હતું કારણ કે ન્યુઝીલેન્ડે 88 રનમાં 5 વિકેટ ગુમાવી દીધી હતી. તે પછી, બ્રુક હૈલિડે અને ઇસાબૈલા ગેજ વચ્ચે 64 રનની ભાગીદારીથી મહેમાન ટીમે વાપસી કરી હતી. બ્રુકે 88 રનની ઇનિંગ રમી હતી, તેના સિવાય ન્યૂઝીલેન્ડ ટીમના અન્ય કોઈ ખેલાડી 40 રનનો આંકડો પણ સ્પર્શી શક્યા નહોતા. આ શ્રેણીમાં જમણા હાથની લેગ સ્પિન બોલિંગ કરનાર અને આંતરરાષ્ટ્રીય ક્રિકેટમાં પદાર્પણ કરનાર પ્રિયા મિશ્રાએ 2 મહત્વની વિકેટ લીધી.