ભારતીય ક્રિકેટર સરફરાઝ ખાનના ભાઈ મુશીર ખાનનો અકસ્માત, હોસ્પિટલમાં સારવાર હેઠળ

ભારતીય ક્રિકેટર સરફરાઝ ખાનના ભાઈ મુશીર ખાનનો અકસ્માત થયો છે. તે તેના પિતા નૌશાદ ખાન સાથે ઈરાની કપમાં ભાગ લેવા આઝમગઢથી ફોર્ચ્યુનર કારમાં લખનઉ જઈ રહ્યો હતો. તમામ ઘાયલોને લખનઉની મેદાંતા હોસ્પિટલમાં દાખલ કરવામાં આવ્યા છે.મેદાંતા હોસ્પિટલે એક બુલેટિન જારી કરીને જણાવ્યું હતું કે અકસ્માત બાદ મુશીરને ગરદનની સમસ્યાને કારણે દાખલ કરવામાં આવ્યો હતો.

હાલ તેમની હાલત સ્થિર છે અને તે ખતરાની બહાર છે.કારમાં હાજર લોકોએ આરોપ લગાવ્યો કે પૂર્વાંચલ એક્સપ્રેસના રોડ પર જર્કિંગને કારણે કાર પલટી ગઈ. આરોપ બાદ UPEDAના અધિકારીઓએ તે જગ્યાએ 3 વાહનો દોડાવ્યા હતા. પરંતુ ત્યાં બધું જ બરાબર હતું.મુશીર 1 ઓક્ટોબરથી લખનઉમાં યોજાનાર ઈરાની કપમાં ભાગ લઈ શકશે નહીં. કહેવામાં આવી રહ્યું છે કે તેને ઓછામાં ઓછા 16 અઠવાડિયા સુધી ક્રિકેટથી દૂર રહેવું પડશે. દુલીપ ટ્રોફીમાં તેના શાનદાર પ્રદર્શન બાદ મુશીરની રણજી ચેમ્પિયન મુંબઈ ટીમમાં પસંદગી કરવામાં આવી હતી.