કેએલ રાહુલે વિકેટકીપિંગ પ્રેક્ટિસ શરૂ કરી, શ્રેયસ અય્યર બેટિંગ કરતો જોવા મળ્યો

એશિયા કપની તૈયારીઓમાં લાગેલી ટીમ ઈન્ડિયાએ અલુરમાં છ દિવસીય કન્ડિશનિંગ કેમ્પમાં સતત પ્રેક્ટિસ કરી, જ્યાંથી સારા સમાચાર છે.કેએલ રાહુલે શનિવારે બેટિંગની સાથે વિકેટકીપિંગની પ્રેક્ટિસ કરી હતી.

એશિયા કપ 2023 માટે ટીમની જાહેરાત કરતી વખતે મુખ્ય પસંદગીકાર અજીત અગરકરે કહ્યું હતું કે રાહુલને થોડી સમસ્યા છે અને તે શરૂઆતની મેચોમાં ઉપલબ્ધ ન પણ હોય. કેએલ રાહુલ માર્ચ 2023 થી કોઈ ક્રિકેટ રમ્યો નથી, જેના પછી તેણે સર્જરી કરાવી. IPL પણ અધવચ્ચે જ છોડી દેવી પડી હતી.

વિરાટે આક્રમક રમત દેખાડી. શ્રેયસે થોડી બેટિંગ પ્રેક્ટિસ પણ કરી હતી કારણ કે તે પણ લાંબી ઈજા બાદ પુનરાગમન કરી રહ્યો છે. જો કે તેને સંપૂર્ણ ફિટ જાહેર કરવામાં આવ્યો છે અને તે એશિયા કપમાં ચોથા નંબર પર બેટિંગ કરતો જોવા મળી શકે છે. તમને જણાવી દઈએ કે 3 સપ્ટેમ્બરે ભારતીય ટીમ પાકિસ્તાન સામે મેદાનમાં ઉતરશે.