વર્લ્ડ બોક્સિંગ ચેમ્પિઅનશિપમાં ભારતને નીતુ ઘંઘાસે અપાવ્યો ગોલ્ડ મેડલ

ભારતની દીકરીએ આજે વિમેન્સ વર્લ્ડ બોક્સિંગ ચેમ્પિયનશિપમાં કમાલ કરી બતાવી છે. તેણે મંગોલિયાના લુત્સાઈખાનને રોમાંચક મેચમાં હરાવીને દેશને ગોલ્ડ અપાવ્યો છે. નીતુની આ જીત પર આખું ભારત ગર્વ અનુંભવી રહ્યું છે. હાલ હરિયાણાની 22 વર્ષની નીતુ ઘાંઘસે સોશિયલ મીડિયા પર ચારેકોર છવાઈ ગઈ છે. આખો દેશ પોતાની આ દીકરી પર ગર્વ અનુભવી રહ્યો છે.

ઉલ્લેખનીય છે કે, બર્મિંગહામ કોમનવેલ્થ ગેમ્સ 2022માં પણ નીતુએ ફાઇનલમાં ઇંગ્લેન્ડની બોક્સરને 5-0થી હરાવીને ગોલ્ડ મેડલ જીત્યો હતો. આજે ફરી એકવાર દેશનું ગૌરવ બની ગયેલી નીતુએ ઘણી મહેનત અને સંઘર્ષ કરીને અહીં સુધીનો પ્રવાસ કર્યો છે.