/connect-gujarat/media/media_files/fe37M6O5CfmRb9osKspU.jpeg)
હુસ્ન તેરા તૌબા... તૌબા... સોન્ગ વાગી રહ્યું છે અને સ્ક્રીન પર એક પછી એક ત્રણ લિજેન્ડ પૂર્વ ક્રિકેટર હરભજન સિંહ, યુવરાજ સિંહ અને સુરેશ રૈના દેખાય છે. આ ત્રણેય ક્રિકેટર જાણે લંગડા ચાલી રહ્યા હોય તેવી એક્ટિંગ કરતા જોવા મળે છે.
હરભજન સિંહે સોશિયલ મીડિયા પર પોસ્ટ કરેલો આ વીડિયો ઝડપથી વાયરલ થઈ જાય છે અને આ વીડિયોને લઈને યુઝર્સમાં ઘણો રોષ ફેલાય છે. વધતા વિવાદને જોઈને હરભજન સિંહે આ વીડિયોને હટાવવાની ફરજ પડે છે.લિજેન્ડ ક્રિકેટ ચેમ્પિયન જીત્યા બાદ યુવરાજ, રૈના અને ભજ્જીએ તૌબા-તૌબા ગીત પર વીડિયો બનાવ્યો હતો. ભજ્જીએ ઈન્ટરનેટ મીડિયા પર એક વીડિયો પોસ્ટ કર્યો હતો અને લખ્યું હતું કે 15 દિવસ સુધી સતત રમ્યા બાદ આખા શરીરની તૌબા-તૌબા થઈ ગઈ છે. થોડી જ વારમાં આ વીડિયો ઝડપથી વાયરલ થઈ ગયો. આ પછી યુઝર્સ ત્રણેય સામે પોતાનો વિરોધ વ્યક્ત કરવા લાગ્યા અને વીડિયોને દિવ્યાંગોનું અપમાન ગણાવ્યું.