સનરાઈઝર્સ હૈદરાબાદે PBKS સામે 246 રનનો ટાર્ગેટ ચેઝ કરી જીત મેળવી, અભિષેક શર્માની તોફાની સેન્ચુરી

સનરાઈઝર્સ હૈદરાબાદે IPL ઇતિહાસનો બીજો સૌથી મોટો રન ચેઝ કર્યો છે.

Advertisment

શનિવારે બીજી મેચમાં ટીમે પંજાબ કિંગ્સ સામે 246 રનના ટાર્ગેટને 2 વિકેટ ગુમાવીને 18.3 ઓવરમાં જ ચેઝ કરી લીધો. ટીમના ઓપનર અભિષેક શર્માએ પહેલી સદી ફટકારી. તેણે 55 બોવમાં 141 રન ફટકાર્યા.હૈદરાબાદના ટ્રેવિસ હેડે પણ 67 રન બનાવ્યા. તેણે અભિષેક સાથે 74 બોલમાં જ 171 રનની ભાગીદારી કરી. હર્ષલ પટેલે 4 વિકેટ લીધી.

પંજાબ કિંગ્સના કેપ્ટન શ્રેયસ અય્યરે 82 રન બનાવીને ટીમને 245 રન સુધી પહોંચાડી હતી. રાજીવ ગાંધી સ્ટેડિયમમાં પંજાબે જ બેટિંગ પણ પસંદ કરી હતી.IPL ઇતિહાસનો સૌથી મોટો રન ચેઝ પંજાબ કિંગ્સના નામે હતો. ટીમે ગયા વર્ષે કોલકાતામાં KKR સામે 262 રન ચેઝ કર્યા હતા. કમાલની વાત એ છે કે ત્યારે કોલકાતાના કેપ્ટન પણ શ્રેયસ અય્યર જ હતો. એટલે કે IPL ઇતિહાસના 2 સૌથી સફળ રન ચેઝ શ્રેયસની કેપ્ટનશીપ વાળી ટીમ સામે જ થયા.