/connect-gujarat/media/agency_attachments/5PErb413EtRt9mAWko3r.png)
By
/connect-gujarat/media/media_files/1txYrgBGVhQNA5AATabL.jpg)
બાર્બાડોસ
New Update
ટી 20 વર્લ્ડકપમાં આઠ ટીમ સુપર-8 માટે ક્વોલિફાય થઈ ગઈ છે, જ્યારે બાકીની 12 ટીમ બહાર થઈ ગઈ છે. ભારત પણ સુપર-8માં પહોંચી ગયું છે અને તેણે તેની પ્રથમ સુપર-8 મેચ અફઘાનિસ્તાન સામે 20 જૂને બાર્બાડોસમાં રમવાની છે. ભારતીય ક્રિકેટ ટીમ બાર્બાડોસ પહોંચી ગઈ છે અને સુપર-8 મેચ પહેલાં એક દિવસના બ્રેકનો ભરપૂર આનંદ માણ્યો છે. વિરાટ કોહલી, હાર્દિક પંડ્યા, શિવમ દુબે, સંજુ સેમસન, યુઝવેન્દ્ર ચહલ સહિત ઘણા ભારતીય ક્રિકેટરોએ બીચ પર વોલીબોલની મજા માણી હતી, જે દરમિયાન વિરાટ કોહલી, હાર્દિક પંડ્યા, યશસ્વી જયસ્વાલ અને રિંકુ સિંહે શર્ટલેસ થઈને ફિટનેસનો શો-ઓફ કર્યો.
જોકે આ વીડિયોમાં ટીમ ઈન્ડિયાનો કેપ્ટન રોહિત શર્મા દેખાતો નથી. વિરાટ કોહલીએ પ્રથમ ત્રણ મેચમાં રન બનાવ્યા નથી, પરંતુ જે પ્રકારના ફ્રેમ ઓફ માઈન્ડમાં તે જોવા મળી રહ્યો છે, સુપર-8 પહેલાં ટીમ ઈન્ડિયા માટે સારો સંકેત છે. ભારતીય ટીમ T20 વર્લ્ડ કપ 2024માં પાકિસ્તાન, યુએસએ, આયર્લેન્ડ અને કેનેડાની સાથે ગ્રુપમાં હતી. ભારત અને અમેરિકા ગ્રુપમાંથી સુપર-8 માટે ક્વોલિફાય થઈ ગયા છે, જ્યારે બાકીની ત્રણ ટીમ બહાર થઈ ગઈ હતી.