ઇન્ટરનેશનલ ક્રિકેટ કાઉન્સિલએ 2025 2029 સુધીનો એક શેડ્યૂલ કર્યો જાહેર

ઇન્ટરનેશનલ ક્રિકેટ કાઉન્સિલ (ICC)એ 2025 2029 સુધીનો એક શેડ્યૂલ જાહેર કર્યો છે, જેને ફ્યુચર ટૂર્સ પ્રોગ્રામ (FTP) નામ આપવામાં આવ્યું છે. આ પહેલ ICC મહિલા ચેમ્પિયનશિપ સાયકલનો ભાગ હશે, જેમાં આગામી 4 વર્ષમાં મહિલા ક્રિકેટર્સ વચ્ચે 44 વનડે સિરીઝ રમાશે. પરંતુ આ પહેલની સૌથી રસપ્રદ વાત એ છે કે 2025-2029 સુધી દર વર્ષે મહિલા ક્રિકેટર્સ માટે એક ICC ટૂર્નામેન્ટ યોજાશે.

આ પ્રોગ્રામ 2029 મહિલા ક્રિકેટ વર્લ્ડ કપને ધ્યાનમાં રાખીને સેટ કરવામાં આવ્યો છે, જેમાં 11 ટીમો ભાગ લેશે. ઝિમ્બાબ્વે આ ટૂર્નામેન્ટમાં ડેબ્યૂ કરશે, જે મહિલા ક્રિકેટના વૈશ્વિક સ્તરે વિકાસમાં યોગદાન આપશે. આગામી ચાર વર્ષમાં દરેક ટીમ પોતાના ઘરઆંગણે ચાર અને વિદેશી મેદાન પર પણ ચાર વનડે સિરીઝ રમશે. આ રીતે કુલ 44 સિરીઝ રમાશે, દરેક સિરીઝમાં 3 મેચ હશે. એટલે કે બધી ટીમો વચ્ચે કુલ 132 મુકાબલા થશે.