ઈન્ડિયા અને અફઘાનિસ્તાન વચ્ચે આજે ટી-20 સીરિઝની અંતિમ મેચ બેંગલુરુના એમ ચિન્નાસ્વામી સ્ટેડિયમમાં રમાશે.

ભારતીય ટીમ અને અફઘાનિસ્તાન વચ્ચે આજે (17 જાન્યુઆરી) 3 મેચની ટી-20 સીરિઝની છેલ્લી મેચ રમાશે. આ મેચ બેંગલુરુના એમ ચિન્નાસ્વામી સ્ટેડિયમમાં રમાશે. મેચ ભારતીય સમય અનુસાર સાંજે 7 વાગ્યે શરૂ થશે. ભારતીય ટીમે આ વર્ષે જૂનમાં ટી20 વર્લ્ડ કપ પણ રમવાનો છે. આ પહેલા ભારતની આ છેલ્લી T20 સીરિઝ પણ છે.

ભારતીય ટીમે પ્રથમ બે મેચ જીતીને અફઘાનિસ્તાન સામેની શ્રેણીમાં 2-0ની અજેય સરસાઈ મેળવી લીધી છે. હવે જો ભારતીય ટીમ ત્રીજી મેચ પણ જીતશે તો તે અફઘાનિસ્તાનને ક્લીન સ્વીપથી હરાવી દેશે.