આજે ભારતીય શેર બજારમાં શાનદાર તેજી સાથે શરૂઆત, સેન્સેક્સ 180 પોઈન્ટ અપ, નિફ્ટી 18200 નજીક ખુલ્યો
વૈશ્વિક બજારમાં મજબૂતીના જોરે આજે ભારતીય બજારમાં પણ સતત બીજા દિવસે શાનદાર તેજી સાથે શરૂઆત થઈ છે. આજે બીએસઈનો સેન્સેક્સ ગઈકાલના 60941.67ની સામે 180.53 પોઈન્ટ વધીને 61122.2 પર ખુલ્યો હતો જ્યારે નિફ્ટી ગઈકાલના 18118.55ની સામે 65.40 પોઈન્ટ વધીને 18183.95 પર ખુલ્યો હતો. બેંક નિફ્ટીની વાત કરીએ તો તે ગઈકાલના 42821.25ની સામે 173.20 પોઈન્ટ વધીને 42994.45 પર ખુલ્યો હતો.
વૈશ્વિક બજારમાંથી સકારાત્મક સંકેતો મળી રહ્યા છે. SGX નિફ્ટીમાં અડધા ટકાનો ઉછાળો જોવા મળી રહ્યો છે. ગઈકાલે યુએસ બજારોમાં સતત બીજા દિવસે ઉછાળો જોવા મળ્યો હતો. ડાઉ 250 પોઈન્ટ વધીને બંધ થયો હતો પરંતુ આજે તે US FUTURES માં ફ્લેટ ટ્રેડ થઈ રહ્યો છે. અહીં એશિયામાં, જાપાન સિવાયના તમામ બજારોમાં નવા વર્ષની રજા છે. ડાઉ જોન્સ ગઈ કાલે 250 પૉઇન્ટથી વધુ વધીને બંધ થયો હતો, જ્યારે નાસ્ડેક 224 પૉઇન્ટ વધીને બંધ થયો હતો. જ્યારે S&P 500 ઇન્ડેક્સ 4000 ની ઉપર બંધ થયો હતો. ટેસ્લા, નેટફ્લિક્સ, મેટા અને એપલના શેર 2-6% વધ્યા. છટણીના સમાચાર પર ટેક શેરોમાં તેજી જોવા મળી હતી.
બજાર યુએસમાં ધીમા દરમાં વધારાની અપેક્ષા રાખે છે. નીચા ફુગાવાના કારણે ફેડ રેટમાં ઓછો વધારો કરી શકે છે. યુએસમાં ફુગાવાનો દર ડિસેમ્બરમાં 6.5% હતો જ્યારે નવેમ્બરમાં તે 7.1% હતો. દરમિયાન, Spotify 600 લોકોને છૂટા કરવાની તૈયારી કરી રહ્યું છે. અહીં, ગૂગલના એમડી ક્રિસ્ટોફર હોને સુંદર પિચાઈને એક પત્ર લખ્યો છે. 1.50 લાખ કર્મચારીઓને દૂર કરવાનું સૂચન કરવામાં આવ્યું છે.