ટીમ ઇન્ડિયાના સુકાનીપદે બે ખેલાડીઓ દાવેદાર, આવતા અઠવાડીએ જાહેર થશે નામ

ટીમ ઈન્ડિયાએ T20 વર્લ્ડ કપ જીત્યો છે પરંતુ તે હજુ પણ સતત એક્શનમાં છે. યુવા ટીમ શુભમન ગિલની કેપ્ટનશીપમાં ઝિમ્બાબ્વેના પ્રવાસે છે. T20 વર્લ્ડ કપ વિજેતા ટીમના માત્ર 3 સભ્યો અહીં હાજર છે, જેઓ ત્રીજી T20 મેચમાંથી પરત ફરવાના છે. આ શ્રેણી પછી ટીમ ઈન્ડિયા શ્રીલંકા પ્રવાસ પર જશે, જ્યાં T20 અને ODI શ્રેણી રમાશે. આ શ્રેણી માટે ટીમની જાહેરાત થવાની બાકી છે પરંતુ કેટલાક મોટા સમાચાર આવવાના શરૂ થઈ ગયા છે.

આમાં સૌથી મહત્વનો મુદ્દો સુકાનીપદનો છે, કારણ કે રોહિત શર્માને આ શ્રેણીમાંથી આરામ આપવામાં આવશે તે નિશ્ચિત છે. આવી સ્થિતિમાં એવું માનવામાં આવે છે કે કેએલ રાહુલ આ પ્રવાસ પર ODI શ્રેણીનો કેપ્ટન બની શકે છે.કેપ્ટનશિપની જવાબદારી માટે પસંદગી સમિતિની સામે બે મુખ્ય દાવેદાર છે – હાર્દિક પંડ્યા અને કેએલ રાહુલ. આ બેમાંથી માત્ર એક જ ODI ટીમની કમાન સંભાળી શકશે. હવે આ સન્માન કોને મળે છે તે આવતા અઠવાડિયે નક્કી થશે, જ્યારે આ પ્રવાસ માટેની ટીમની જાહેરાત કરવામાં આવશે.