• દિવ્યાંગ રોહનની સ્વિમિંગમાં ઝળહળતી સફળતા

• ડોકટરે સ્વિમિંગ સર્ટિફિકેટમાં સહી કરી નહોતી 

• માતાપિતાના સહકાર અને મજબૂત મનોબળથી મેળવી સિદ્ધિ
  

• સ્વિમિંગ સ્પર્ધામાં મેળવ્યો ગોલ્ડ મેડલ

• ખેલ મહાકુંભમાં ટ્રાઈસીકીલ સ્પર્ધામાં પ્રથમ ક્રમાંક મેળવ્યો

સુરતના દિવ્યાંગ રોહન ચાસીયા દ્વારા અશક્યને શક્ય કરી બતાવ્યું છે,ડોક્ટરે તેમને સ્વિમિંગ સર્ટિફિકેટ આપવાની ના પાડી દીધી હતી,પરંતુ મજબૂત મનોબળથી સ્વિમર રોહને સ્વિમિંગ સ્પર્ધામાં ગોલ્ડ મેડલ જીતીને સફળતા પ્રાપ્ત કરી હતી.

સુરતના સ્વિમર રોહન ચાસીયાનો જન્મ વર્ષ 1998માં થયો હતો. રોહનને જન્મથી જ 90 ટકા દિવ્યાંગતા હોવાના કારણે અન્ય બાળકોની જેમ દોડવું, રમવું, નાચવુએ સપનાથી વધુ કંઈ નહોતું. કમરથી નીચેનો ભાગ કોઈપણ પ્રકારની હિલચાલ કરી શકતો નહોતો. માતા-પિતાએ રોહનને શ્રેષ્ઠ ડોક્ટરોને બતાવ્યો પણ ડોક્ટરોએ પણ કહી દીધું હતું કે, આની સારવાર કોઈપણ દેશમાં શક્ય નથી. આ વાત એક સામાન્ય વ્યક્તિ માટે નિરાશાનું કારણ બની શકે, પણ રોહન માટે આ એક ચેલેન્જ હતી.

રોહન ચાસીયાએ પોતાની સંઘર્ષભરી જીવનયાત્રામાં વર્ષ 2015માં ધોરણ 12ની પરીક્ષામાં બે વિષયમાં ફેલ થયો હતો. એ સમય દરમિયાન રોહને સ્વિમિંગ જોઈન્ટ કરવાનો નિર્ણય લીધો હતો.અને સ્વિમિંગ કોચને મળીને સ્વિમિંગ જોઈન્ટ કર્યું હતું,જોકે રોહનની દિવ્યાંગતાને કારણે ડોકટરે પણ સ્વિમિંગ ફોર્મમાં સહી કરવાની ના પાડી દીધી હતી. જ્યારે રોહનના માતા પિતાએ તેને પૂરો સાથ સહકાર આપીને હિંમત આપી હતી.

સ્વિમિંગની ટ્રેનિંગ લીધા બાદ કર્ણાટકનાં ગેલગામ ખાતે યોજાયેલી નેશનલમાં જુનિયર બોયઝની એસ 8 કેટેગરીમાં 50 મીટર ફ્રીસ્ટાઇલ અને 50 મીટર બ્રેક સ્ટ્રોકમાં રોહને પ્રથમ ક્રમાંક મેળવ્યો હતો.રોહનને  ડિસેબિલિટી કોઇ દિવસ આડે આવી નથી.વર્ષ 2013માં ખેલ મહાકુંભમાં દિવ્યાંગ કેટેગરીમાં 100 મીટર ટ્રાઇસિકલ રેસ અને ડાર્ટ ગેમમાં પ્રથમ ક્રમ મેળવ્યો હતો.પછી નેશનલ પેરાલંપિક સ્વિમિંગ ચેમ્પિયનશિપમાં બે ગોલ્ડ મેડલ મેળ્યા હતા.