વડોદરા : વૈશ્વિક હિન્દૂ વૈષ્ણવ પ્રેરણા મહોત્સવ નિમિત્તે પૂ.વ્રજરાજકુમારજી મહારાજને પોર્ટ્રેટની ભેટ અર્પણ કરતા પ્રખ્યાત આર્ટિસ્ટ અભિષેક સાલવી

• વૈશ્વિક હિન્દૂ વૈષ્ણવ પ્રેરણા મહોત્સવની પુર્ણાહુતિ

• પૂ.વ્રજરાજકુમારજીના સાનિધ્યમાં કરાયું હતું આયોજન

• હજારો શ્રદ્ધાળુઓએ ભક્તિનો લ્હાવો લીધો

• આર્ટિસ્ટ અભિષેક સાલવીએ મહારાજશ્રીને પોર્ટેટની ભેટ આપી

• પોટ્રેટ મેળવીને મહારાજશ્રીએ આર્ટિસ્ટની કળાને બિરદાવી   

વડોદરાના નવલખી મેદાનમાં વૈશ્વિક હિન્દૂ વૈષ્ણવ પ્રેરણા મહોત્સવ-2025નું ભવ્ય આયોજન કરવામાં આવ્યું હતું, આ પ્રસંગે પૂ. વ્રજરાજકુમારજી મહારાજને ભારતના પ્રખ્યાત આર્ટિસ અભિષેક સાલવી દ્વારા પોર્ટ્રેટની સુંદર ભેટ અર્પણ કરવામાં આવી હતી.

વડોદરા નવલખી મેદાન ખાતે આયોજિત વૈશ્વિક હિન્દુ વૈષ્ણવ પ્રેરણા મહોત્સવ-2025'નું ભવ્ય આયોજન કરવામાં આવ્યું હતું,જેની પૂર્ણાહુતિ થઈ હતી.વલ્લભ યુથ ઓર્ગેનાઈઝેશનના 15 વર્ષ અને વ્રજધામના 25 વર્ષની ઉજવણીના ભાગરૂપે પૂ.વ્રજરાજકુમારજી મહારાજના સાનિધ્યમાં હજારો શ્રદ્ધાળુઓએ ભક્તિનો લાભ લીધો હતો.

આ પ્રસંગે ભારતના પ્રખ્યાત આર્ટિસ્ટ અભિષેક સાલવી તેમના મિત્ર જય દવે, ગરિમા દવે અને હર્ષ રાઠોડ દ્વારા પૂ.મહારાજને પોર્ટ્રેટ ભેટ આપવામાં આવ્યું હતું, આ અવસર નિમિત્તે પૂ.શ્રીએ અભિષેક સાલવીની કળાને બિરદાવીને આશીર્વાદ પાઠવ્યા હતા.વધુમાં આ કાર્યક્રમમાં પ્રસિદ્ધ ગાયિકા ભૂમિ ત્રિવેદી અને ધારાસભ્ય ધર્મેન્દ્રસિંહ વાઘેલા વિશેષ ઉપસ્થિત રહ્યા હતા, જ્યારે નાયબ મુખ્યમંત્રી હર્ષ સંઘવી વર્ચ્યુઅલી જોડાયા હતા.