New Update
વડોદરા શહેરના વોર્ડ નંબર 1માં વધતી પાણીની સમસ્યાનો ત્વરિત નિકાલ લાવવાની માંગ સાથે નગરસેવકોએ ખુદ ધરણા પર બેસી વિરોધ પ્રદર્શન કર્યું હતું.
વડોદરા શહેરના વોર્ડ નંબર 1માં છેલ્લા ઘણા સમયથી પાણી સમયસર ન મળતું હોવાની ફરિયાદો ઉઠી છે. આ સાથે જ ક્યારેક ગંદુ અને દુર્ગંધયુક્ત પીવાનું પાણી આવતું હોવાનો સ્થાનિકોએ આક્ષેપ કર્યો છે. સમય પર પાણી ન આવતા સ્થાનિકો પરેશાન થઈ ઉઠ્યા છે. તો બીજી તરફ, ઘણી વખત ગંદુ પાણી વાપરી જીવન નિર્વાહ કરવું પડે છે.
તેવામાં સ્થાનિકોની માંગને વાચા આપવા વોર્ડ નંબર 1ના કોર્પોરેટર જહા દેસાઈ, પુષ્પા વાઘેલા, હરીશ પટેલ ખુદ ધરણા પર બેસી તંત્ર સામે વિરોધ દર્શાવ્યો હતો. ઉપરાંત આગામી દિવસોમાં પાણીની સમસ્યાનો ત્વરિત નિકાલ નહીં આવે તો નગરસેવકોએ ઉગ્ર આંદોલન કરવાની ચીમકી પણ ઉચ્ચારી છે.
Latest Stories