વડોદરા : રણોલીમાંથી હેરોઇનનો જથ્થો ઝડપાયો, આરોપીની ધરપકડ

વડોદરા સ્પેશિયલ ઓપરેશન ગ્રુપની ટીમ શહેરમાં પેટ્રોલિંગમાં હતી તે દરમિયાન બાતમીના આધારે તેઓએ રણોલી વિસ્તારમાં આવેલ અક્ષર રેસીડેન્સીના સી-510 નંબરના મકાનમાં દરોડા પાડ્યા હતા.મકાનમાં તપાસ કરતા અંદરથી 40 ગ્રામ હેરોઇનનો જથ્થો મળી આવ્યો હતો. પોલીસે આ અંગે મકાનમાં રહેતા બાઝસિંગ સરદાર નામના આરોપીની અટકાયત કરી હતી. આરોપી પોતાના પરિવાર સાથે આ મકાનમાં રહેતો હતો ત્યારે પોલીસે તેની ધરપકાર કરી છે. આરોપી હેરોઈનનો જથ્થો ક્યાંથી લાવ્યો હતો અને કોને પહોંચાડવાનો હતો તે સહિતની દિશામાં તપાસનો ધમધમાટ પોલીસ દ્વારા શરૂ કરવામાં આવ્યો છે