વલસાડ : અમદાવાદ થી બેંગ્લોર જતી ખાનગી ટ્રાવેલ્સ બસ અને ટ્રક વચ્ચે સર્જાયો અકસ્માત

વલસાડમાં વહેલી સવારે નેશનલ હાઇવે નંબર 48 પર લક્ઝરી બસ અને ટ્રક વચ્ચે ગોઝારો અકસ્માત થયો હતો. આ અકસ્માતમાં 20 થી વધુ મુસાફરોને ઇજા થવા પામી હતી.

વલસાડના નંદાવલા હાઇવે પર અમદાવાદ થી બેંગ્લોર જતી ખાનગી બસમાં ધડાકાભેર ટ્રક અથડાઈ જતા મોટો અકસ્માત સર્જાયો હતો.. ટ્રક ડ્રાઇવરને ઝોકું આવી જતા ડિવાઈડર કુડાવી બીજા લેનમાં આવી જતા સામે થી આવતી લક્ઝરી બસમાં ટ્રક અથડાઈ હતી. ઘટનામાં 20 વધુ બસ મુસાફરોને ઇજા થઇ હતી.આ ઘટનામાં ટ્રક અને બસ બંને ચાલકની હાલત ગંભીર બની છે. તમામને 108 મારફતે વલસાડની સિવિલ હોસ્પિટલ ખસેડવામાં આવ્યા છે. અકસ્માતને પગલે હાઇવે પર ટ્રાફિક જામના દ્રશ્યો સર્જાયા હતા. તો બીજી તરફ તમામને બહાર કાઢવા માટે સ્થાનિકો અને પોલીસ તંત્ર કામે લાગ્યું હતું.