અમેરિકાના કેલિફોર્નિયામાં કારની ટકકરે ભારતીય યુવતી કોમામાં,હાલત ગંભીર

મહારાષ્ટ્રના સતારા જિલ્લાની રહેવાસી 35 વર્ષીય નીલમ શિંદે 14 ફેબ્રુઆરીના રોજ અમેરિકામાં માર્ગ અકસ્માતનો ભોગ બની હતી. કેલિફોર્નિયામાં નીલમને એક કારે ટક્કર મારી, જેના પછી તે કોમામાં જતી રહે છે.

હાલમાં તેને ICUમાં દાખલ કરવામાં આવી છે. પોલીસે આ અકસ્માતના આરોપી ડ્રાઇવરની ધરપકડ કરી છે.નીલમના પિતા તાનાજી શિંદેએ જણાવ્યું કે તેમને આ અકસ્માતની જાણ 16 ફેબ્રુઆરીએ થઈ હતી, ત્યારબાદ તેઓ અમેરિકા જવા માટે વિઝા મેળવવાનો પ્રયાસ કરી રહ્યા છે, પરંતુ અત્યાર સુધી તેમને સફળતા મળી નથી. તેમણે કહ્યું કે નીલમની હાલત ગંભીર છે અને પરિવારને શક્ય તેટલી વહેલી તકે ત્યાં પહોંચવાની જરૂર છે.મીડિયા રિપોર્ટ્સ અનુસાર, ભારત સરકારના હસ્તક્ષેપ બાદ, યુએસ સ્ટેટ ડિપાર્ટમેન્ટે વિઝા ઔપચારિકતાઓ ટૂંક સમયમાં પૂર્ણ કરવાની ખાતરી આપી છે.