ઉત્તર કોરીયા ટૂંક સમયમાં બીજો જાસૂસી ઉપગ્રહ લોન્ચ કરવાની તૈયારીમાં, અન્ય દેશોના સૈન્ય મથકો પર રાખશે નજર

ઉત્તર કોરિયા ટૂંક સમયમાં જાસૂસી ઉપગ્રહ લોન્ચ કરવાની તૈયારી કરી રહ્યું છે. ઉત્તર કોરિયાએ પોતે જ આ જાણકારી જાપાનને આપી છે. આ વાતની પુષ્ટિ કરતા જાપાન કોસ્ટ ગાર્ડે કહ્યું કે ઉત્તર કોરિયા 28 મેથી 4 જૂનની વચ્ચે સેટેલાઇટ લોન્ચ કરવા જઈ રહ્યું છે. જો કે ઉત્તર કોરિયાએ આ પ્રક્ષેપણ માટે કોઈ તારીખ આપી નથી.

સમાચાર એજન્સી એપીના અહેવાલ મુજબ, ઉત્તર કોરિયાએ જાપાનને સેટેલાઇટ લોન્ચિંગ વિશે માહિતી આપી છે કારણ કે જાપાનીઝ કોસ્ટ ગાર્ડ પૂર્વ એશિયામાં દરિયાઈ સુરક્ષાની માહિતી શેર કરે છે.દક્ષિણ કોરિયા, જાપાન અને ચીનના નેતાઓ સોમવારે તેમની પ્રથમ ત્રિપક્ષીય બેઠક માટે એકસાથે આવ્યા હતા. આ દરમિયાન ઉત્તર કોરિયાના આ પગલાની માહિતી સામે આવી છે. જાપાનના પીએમ ફ્યુમિયો કિશિદાએ અમેરિકા, દક્ષિણ કોરિયા અને અન્ય દેશોને આ મામલે હસ્તક્ષેપ કરવા કહ્યું છે. તેમણે કહ્યું કે આ દેશોએ આ પ્રક્ષેપણને મુલતવી રાખવાનો પ્રયાસ કરવો જોઈએ. કોઈપણ કટોકટીના કિસ્સામાં યોગ્ય પગલાં લેવા માટે પણ તૈયાર રહો.