ડોનાલ્ડ ટ્રમ્પે રોબર્ટ એફ. કેનેડીને આરોગ્ય સચિવ તરીકે નિયુક્ત કર્યા

અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ તેમની સરકારમાં મહત્વપૂર્ણ પદો પર નિમણૂકો કરી રહ્યા છે. ટ્રમ્પે ગુરુવારે રોબર્ટ એફ. કેનેડી જુનિયરને અમેરિકાના આગામી આરોગ્ય સચિવ તરીકે નિયુક્ત કર્યા છે. તેમની પાસે યુએસ ડિપાર્ટમેન્ટ ઓફ હેલ્થ એન્ડ હ્યુમન સર્વિસ (HHS) માટે જવાબદારી હશે.

ટ્રમ્પે સોશિયલ મીડિયા પ્લેટફોર્મ X પર પોસ્ટ કરીને આ માહિતી આપી હતી.ડોનાલ્ડ ટ્રમ્પે 2024ની રાષ્ટ્રપતિની ચૂંટણી જીતી લીધી છે. તેઓ આવતા વર્ષે 20 જાન્યુઆરીએ રાષ્ટ્રપતિ તરીકે શપથ લેશે. કેનેડીએ ગયા વર્ષે પણ ડેમોક્રેટિક પાર્ટી તરફથી રાષ્ટ્રપતિ પદ માટે ઉમેદવારીનો દાવો કર્યો હતો. આ વખતે તેઓ સ્વતંત્ર ઉમેદવાર તરીકે રાષ્ટ્રપતિની ચૂંટણી પણ લડ્યા હતા.