અમેરિકાના પેરુમાં ધરા ધ્રુજી, રિક્ટર સ્કેલની તીવ્રતા 7.2 માપવામાં આવી

દક્ષિણ અમેરિકાનો દેશ પેરુ આજે ધરતીકંપના તીવ્ર આંચકાથી ધ્રૂજી ઉઠ્યો. રિક્ટર સ્કેલ પર તેની તીવ્રતા 7.2 માપવામાં આવી. ભૂકંપનું કેન્દ્ર પેરુના પશ્ચિમમાં આવેલા એટિક્યુઇપાથી 8 કિલોમીટર દૂર ચાલા ખાતે રહ્યું. યુએસ જીઓલોજિકલ સર્વેના રિપોર્ટ મુજબ આ ભૂકંપ શુક્રવારે સવારે બરાબર 11 વાગીને 6 મિનિટે આવ્યો. જોકે હજુ સુધી પેરુની સરકારે જાન માલના નુકસાન અંગે કોઈ સત્તાવાર માહિતી આપી નથી. પરંતુ સુનામીને લઈને એલર્ટ જારી કરવામાં આવ્યું છે.

7.2ની તીવ્રતાના આ જોરદાર ભૂકંપના (પેરુમાં ધરતીકંપ) આંચકા પેરુના રાજ્યોમાં અનુભવાયા છે. સ્થાનિક અહેવાલો મુજબ લોકો પોતાના ઘરોમાંથી બહાર નીકળી આવ્યા, રસ્તાઓ પર જ્યાં વાહનો ચાલી રહ્યા હતા ત્યાં ડરના માર્યા તે જ સ્થળે થંભી ગયા.