અમેરિકાના લેવિસ્ટનમાં થયું અંધાધૂંધ સામૂહિક ફાયરિંગ, 20થી વધુ લોકોના મોત

અમેરિકામાં ફાયરિંગની ઘટનાઓ બંધ થવાનું નામ નથી લઈ રહી. હવે અમેરિકાના લેવિસ્ટનથી ફાયરિંગની ઘટના સામે આવી છે. એક શખ્સ દ્વારા કરવામાં આવેલા અંધાધૂંધ ફાયરિંગમાં 20થી વધુ લોકો માર્યા ગયા છે, જ્યારે ડઝનેક લોકો ઈજાગ્રસ્ત થયા હોવાનું કહેવામાં આવી રહ્યું છે. ઈજાગ્રસ્તોમાંથી કેટલાકની હાલત નાજુક છે. પોલીસના જણાવ્યા અનુસાર એક શખ્સે બુધવારે રાત્રે ફાયરિંગની આ ઘટનાને અંજામ આપ્યો હતો.

એન્ડ્રોસ્કોગિન કાઉન્ટી શેરિફ ઓફિસ (પોલીસ)એ તેમના ફેસબુક પેજ પર શંકાસ્પદ વ્યક્તિની બે તસવીર જાહેર કરી, જેમાં એક બંદૂકધારી તેના ખભા પર હથિયાર લટકાવીને સંસ્થામાં પ્રવેશતો જોવા મળી રહ્યો છે અને હાલમાં તે ફરાર છે.