રશિયા : ક્રિમિયામાં બ્રિજ પર હુમલો, 2નાં મોત, યુક્રેન સહિત અમેરિકા-બ્રિટન આ આતંકવાદી હુમલાના જવાબદાર....
રશિયાના કબજા હેઠળના ક્રિમિયામાં એક પુલ પર રવિવારે મોડી રાત્રે હુમલો થયો હતો. જેમાં 2 લોકોના મોત થયા છે.રશિયાએ આ હુમલાનો આરોપ યુક્રેન પર લગાવ્યો છે.
રોઇટર્સના અહેવાલ મુજબ, એક દંપતી છે જેણે આ હુમલામાં જીવ ગુમાવ્યો હતો. તેમની પુત્રી પણ ઘાયલ છે. હુમલાના ઘણા વીડિયો વાયરલ થઈ રહ્યા છે. તેમાં એક તૂટેલા પુલ દેખાય છે. હુમલા બાદ તરત જ સ્થાનિક પ્રશાસને પુલ પરનો વાહનવ્યવહાર બંધ કરી દીધો હતો.
આ હુમલો રશિયા અને યુક્રેન વચ્ચે અનાજનો સોદો પૂરો થયાના એક દિવસ પહેલા થયો હતો. રશિયાએ ક્રિમિયામાં થયેલા હુમલાનો આરોપ યુક્રેન પર જ નહીં પરંતુ અમેરિકા અને બ્રિટન પર પણ લગાવ્યો છે.
રશિયાએ કહ્યું છે કે આ આતંકવાદી હુમલા માટે બ્રિટન અને અમેરિકા સિવાય અન્ય કોઈ જવાબદાર નથી. બીબીસીના રિપોર્ટ અનુસાર જે બ્રિજ પર હુમલો થયો છે તે રશિયા માટે ખૂબ જ મહત્વપૂર્ણ છે.
Next Story
