રશિયાએ યુક્રેન પર સૌથી મોટો મિસાઈલ હુમલો કર્યો, 11 લોકોના મોત, 70 થી વધુ લોકો ઘાયલ

રશિયાએ યુક્રેન પર સૌથી મોટો મિસાઈલ હુમલો કર્યો હોવાના સમાચાર છે. રશિયન મિસાઈલ હુમલાએ કથિત રીતે ઓડેસા, કિવ અને યુક્રેનના અન્ય વિસ્તારોમાં અનેક ઈમારતોને નિશાન બનાવી હતી. BNO ન્યૂઝ મુજબ, યુક્રેન પર રશિયન મિસાઈલ હુમલામાં ઓછામાં ઓછા 11 લોકોના મોત થયા છે અને 70 થી વધુ લોકો ઘાયલ થયા છે.

રશિયન મિસાઇલો દ્વારા ઓડેસા અને કિવમાં અપાર્ટમેન્ટ બિલ્ડીંગોને નિશાન બનાવતા અનેક વીડિયો પણ સોશિયલ મીડિયા પર વાયરલ થયા છે.

રશિયા-યુક્રેન યુદ્ધ 24 ફેબ્રુઆરી 2022 ના રોજ શરૂ થયું હોવા છતાં, યુદ્ધ ચાલુ રહ્યું અને વર્ષ 2023 માં એક વર્ષ પૂર્ણ થયું. આ સમયગાળા દરમિયાન, રશિયા અને યુક્રેનના લાખો સૈનિકો મૃત્યુ પામ્યા અને ઘણા લોકો ઘાયલ થયા. હાલની સ્થિતિને જોતા એવું લાગે છે કે રશિયા-યુક્રેન યુદ્ધ ખતમ થવાના આરે નથી.