Connect Gujarat
દુનિયા

ઈન્ડોનેશિયામાં ભારે તબાહીના દ્રશ્યો, જ્વાળામુખીમાંથી નિકળતા ઠંડા લાવાના કારણે 41 લોકોના મોત

ઈન્ડોનેશિયામાં ભારે તબાહીના દ્રશ્યો, જ્વાળામુખીમાંથી નિકળતા ઠંડા લાવાના કારણે 41 લોકોના મોત
X

ઈન્ડોનેશિયાના સુમાત્રા આઈલેન્ડમાં ભારે વરસાદને કારણે પૂરની સ્થિતિ સર્જાઈ છે. જેના કારણે અનેક વિસ્તારોમાં ભૂસ્ખલન થયું હતું. ખડકો, પહાડોના પથ્થરો, કાટમાળની સાથે જ્વાળામુખીનો ઠંડો લાવા પણ રહેણાંક વિસ્તારોમાં પહોંચીને તબાહી મચાવી રહ્યો છે. અત્યાર સુધીમાં 41 લોકોના મોત થયા છે. 17થી વધુ લોકો ગુમ છે.

બીબીસીના અહેવાલ મુજબ સુમાત્રા દ્વીપના અગમ અને તનાહ દાતાર જિલ્લામાં સૌથી વધુ તબાહી થઈ છે. અહીં ઘણા શહેરોમાં રસ્તાઓને નુકસાન થયું છે, 100થી વધુ ઘરો અને મસ્જિદો નાશ પામી છે. સુમાત્રા ડિઝાસ્ટર મિટિગેશન એજન્સીના અધિકારી ઇલ્હામ વહાબે જણાવ્યું- રવિવારે મોડી રાત્રે (12 મે) 37 લોકોના મૃતદેહ મળી આવ્યા હતા, સોમવારે (13 મે) સવાર સુધીમાં આ આંકડો વધીને 41 થયો હતો. તેમાં 2 બાળકો છે.

Next Story