ઇન્ડોનેશિયાના પાપુઆ ક્ષેત્રમાં ભૂકંપના જોરદાર આંચકા અનુભવાયા, તીવ્રતા 6.3 માપવામાં આવી

ઇન્ડોનેશિયાના પાપુઆ ક્ષેત્રમાં ભૂકંપના જોરદાર આંચકા અનુભવાયા હતા. રિક્ટર સ્કેલ પર તેની તીવ્રતા 6.3 માપવામાં આવી હતી.

આ ભૂકંપથી સ્થાનિક લોકોમાં ગભરાટ ફેલાયો હતો, પરંતુ સુનામીનો કોઈ ભય નથી અને અત્યાર સુધી કોઈ નુકસાન થયું નથી.

ઇન્ડિયન નેશનલ સેન્ટર ફોર સિસ્મોલોજી (NCS) અનુસાર, ભૂકંપનું કેન્દ્ર જમીનથી 39 કિલોમીટર નીચે હતું. યુએસ જીઓલોજિકલ સર્વે અનુસાર, આ ભૂકંપ પાપુઆના અબેપુરા શહેરથી લગભગ 193 કિલોમીટર ઉત્તરપશ્ચિમમાં આવ્યો હતો.

ભૂકંપ પછી, અધિકારીઓએ કહ્યું છે કે સુનામીનો કોઈ ભય નથી. હાલમાં, કોઈને ઈજા થઈ નથી કે કોઈ પણ પ્રકારના નુકસાનના અહેવાલ નથી. અગાઉ 7 ઓગસ્ટે ઇન્ડોનેશિયામાં પણ 4.9 તીવ્રતાનો ભૂકંપ આવ્યો હતો, જેનું કેન્દ્ર જમીનથી 106 કિલોમીટર નીચે હતું.

ઇન્ડોનેશિયા પેસિફિક મહાસાગરના "રિંગ ઓફ ફાયર" પર સ્થિત છે, જ્યાં ટેક્ટોનિક પ્લેટો અથડાય છે. આ કારણે અહીં વારંવાર ભૂકંપ આવે છે.