અતિશય વ્યસ્તા વાળી જીંદગી માં વોકિંગ રાખશે એકદમ ફિટ એન્ડ ફાઈન 

ડાયાબિટીસ,પ્રેસર સહિત ની બીમારી નો વ્યાપ વધતા લોકોમાં સ્વાસ્થ્ય પ્રત્યે જાગૃતતા વઘી

વર્તમાન સમય ને ડિજિટલ યુગ તરીકે ઓળખ મળી છે અને આંગળી ના ઇસારે લોકો વિશ્વ ભરની માહિતી મેળવી રહ્યા છે.પરંતુ બીજી તરફ કામના બોજ અને વ્યસ્ત જીવન શૈલી માં લોકો પોતાના સ્વાસ્થ્ય સંદર્ભે જ ઉદાસીન રહેતા હોય છે,જોકે બીજી તરફ જોઇએ તો ડાયાબિટીસ,પ્રેસર સહિત ની બીમારી નો વ્યાપ વધતા લોકો મન અને તન તંદુરસ્ત રાખવા માટે પણ સજાગ બન્યા છે.

યુવાનો માં જીમ માં જઈને એક્સરસાઇઝ કરીને બાવડા મજબૂત કરવાનો જબ્બર ક્રેઝ જોવા મળે છે પરંતુ તંદુરસ્તી ને બરકરાર રાખવા માટે જીમ સિવાય પણ અનેક ઉપાય છે,અને તેમાં મોર્નિંગ અથવા તો ઇવનિંગ વોક પણ ખુબજ ફાયદાકારક છે.દરરોજ નિયમિત પણે કસરત કે વોકિંગ થાય એ ખુબજ જરૂરી છે પરંતુ જો સંજોગો ને કારણે કસરતમાં નિયમિતતા ન જળવાય તો સપ્તાહ માં વધારે નહીં પણ એક બે દિવસ પણ પોતાના શરીર માટે સમય ફાળવી ને ચાલવું જોઈએ.

જે લોકો ડાયાબિટીસ ના દર્દી છે તેમને પણ તબીબો ચાલવા ની સલાહ આપે છે,પરંતુ માત્ર દેખાદેખી માં નહીં પણ પોતાના સ્વાસ્થ્ય પ્રત્યે સ્વયં જાગૃત થઈ ને પોતાની જીવનશૈલી માં કસરતને પણ સ્થાન આપવું એ હવે અનિવાર્ય બની ગયું છે.