શરાબ પુરૂષો કરતા મહિલા માટે વધુ ખતરનાક

ભારતીય નિષ્ણાંતો દ્વારા ચોંકાવનારા તારણો જારી : અગાઉના અભ્યાસના તારણો કરતા અલગ તારણ રજૂ

એક નવા અભ્યાસમાં જણાવવામાં આવ્યુ છે કે શરાબ નુકશાનકારક છે. શરાબને લઇને જુદા જુદા અભ્યાસ થાય છે. જેમાં કેટલાક અભ્યાસમાં જણાવવામાં આવ્યુ છે કે શરાબના ફાયદા છે. ઓછા પ્રમાણમાં શરાબના ઉપયોગથી ઘણી તકલીફ દૂર થઇ શકે છે.

પરંતુ એક વિરોધાભાસી અભ્યાસમાં જણાવવામાં આવ્યુ છે કે ઓછા પ્રમાણમાં પણ શરાબ ખતરનાક છે. પુરૂષો કરતા મહિલાઓને તેની વધુ અસર થાય છે. નિષ્ણાંતોના જણાવ્યા મુજબ ફેફસા અને હાર્ટ સંબંધીત તકલીફો વધી જાય છે. સાથે સાથે ઇન્ફર્ટીલીટી કારણરૂપ છે. એક વરિષ્ઠ તબીબએ કહ્યું છે કે મહિલાઓની સાઇકોલોજી એવી છે કે તે ઓછા પ્રમાણમાં શરાબ ફાયદો આપી શકે છે.

તેમનું કહેવું છે કે મહિલાઓની શરીરની બનાવટ જુદા પ્રકારની છે. જ્યારે પુરૂષોના શરીરની બનાવટ જુદા પ્રકારની છે. આવી પરિસ્થિતિમાં શરાબ મહિલાઓ માટે નુકશાનકારક છે. લોહિમાં શરાબનું પ્રમાણ વધી જાય છે.

આલ્કોહોલ એબ્યુસ એન્ડ આલ્કોલિઝમ દ્વારા પ્રકાશીત કરવામાં આવેલા અહેવાલને ટાંકીને તેમણે કહ્યું છે કે વધુ પ્રમાણમાં શરાબ પીનાર મહિલાઓમાં વધુ પ્રમાણમાં શરાબ પીનાર પુરૂષોની સરખામણીમાં આરોગ્યના ખતરા વધારે રહે છે. અન્ય સમસ્યાઓની સાથે સાથે મહિલાઓમાં ઇન્ફર્ટિલિટિની તકલીફ પણ ઉભી થાય છે. સગર્ભા મહિલા માટે પણ શરાબ ખતરનાક છે.