સુરત : વિદેશી ચલણ સહિત સોનાના દાગીનાની ચોરી, તસ્કરોની કરતૂત થઈ સીસીટીવીમાં કેદ

author-image
By Connect Gujarat in ગુજરાત સમાચાર
New Update
સુરત : વિદેશી ચલણ સહિત સોનાના દાગીનાની ચોરી, તસ્કરોની કરતૂત થઈ સીસીટીવીમાં કેદ

સુરતના કતારગામ વિસ્તરમાં

આવેલ સર્જન સોસાયટીમાં બંધ

ઘરને નિશાન બનાવી તસ્કરો રોકડ રકમ અને

સોનાના દાગીના તેમજ વિદેશી ચલણ સહિત તિજોરી લઈ ફરાર થઈ ગયા હતા. ઘરની નજીકમાં

લાગેલ સીસીટીવી કેમેરામાં ચોરી કરવા આવેલા બન્ને તસ્કરો કેદ થઈ ગયા હતા.

સુરત કતારગામ ખાતે આવેલ સર્જન સોસાયટીમાં રહેતા જીતેન્દ્ર

પાનસૂરિયા દિવાળીની રજાને લઇ પરિવાર સાથે વતન ગયા હતા. તસ્કરોએ બંધ મકાનનો લાભ લઈ

રાત્રી દરમિયાન ઘરમાં પ્રવેશ કરી ઘરના તિજોરીમાં રાખેલ રોકડ રકમ રૂપિયા 60000 હજાર તથા સોનાની

પેન્ડલ બુટી અને વિદેશી ચલણ જેમાં 1200થી વધુ અલગ અલગ દેશનું છૂટક ચલણ

સહિત તિજોરી લઈને ફરાર થઈ ગયા હતા. જીતેન્દ્રભાઈ વતન ફરીને

પરત ફરતા સમગ્ર ચોરીની ઘટના સામે આવી હતી. ઘટના વિશે કતારગામ પોલીસને જાણ કરતા

તાત્કાલિક પોલીસ કાફલો ઘટના સ્થળે દોડી આવ્યો હતો. પોલીસે તપાસ હાથ ધરતા

ઘરની બહાર લાગેલ સીસીટીવી કેમેરામાં ચોરી કરવા આવેલ બન્ને તસ્કરો કેદ થયા હતા.

હાલ તો કતારગામ પોલીસે સીસીટીવી કેમેરામાં દેખાતા બન્ને ઈસમો વિરુદ્ધ

ગુનો નોંધી વધુ તપાસ હાથ ધરી છે.

#વીડિયો
Related Articles
Read the Next Article

રાજ્યના કેટલાક વિસ્તારોમાં આગામી ત્રણ કલાકમાં ભારેથી મધ્યમ અને હળવા વરસાદની આગાહી કરાઇ

રાજ્યના ઘણા વિસ્તારોમાં આજે હળવાથી ભારે વરસાદ પડ્યો છે. ભાવનગર પંથકમાં ભારે વરસાદ પડ્યો છે. તો બીજી તરફ આગામી ત્રણ કલાકમાં હળવાથી ભારે વરસાદની હવામાન વિભાગે આગાહી કરી છે

author-image
By Connect Gujarat Desk in ગુજરાત સમાચાર
New Update
વરસાદ

રાજ્યના ઘણા વિસ્તારોમાં આજે હળવાથી ભારે વરસાદ પડ્યો છે. ભાવનગર પંથકમાં ભારે વરસાદ પડ્યો છે.

તો બીજી તરફ આગામી ત્રણ કલાકમાં હળવાથી ભારે વરસાદની હવામાન વિભાગે આગાહી કરી છે. હવામાન વિભાગ અનુસાર રાજ્યના કેટલાક વિસ્તારોમાં આગામી ત્રણ કલાકમાં ભારેથી મધ્યમ અને હળવા વરસાદની આગાહી કરવામાં આવી છે.
 
રાજ્યના બનાસકાંઠા, સાબરકાંઠા, અરવલ્લી, મહેસાણા, પાટણ, ડાંગ, વલસાડ, દાદરા નગર હવેલી, દમણ, ગીર સોમનાથ, દીવ, અમરેલી, ભાવનગરમાં ગાજ વીજ સાથે ભારે વરસાદની આગાહી કરવામાં આવી છે.

જ્યારે મહીસાગર, દાહોદ, પંચમહાલ, છોટાઉદેપુર, ભરૂચ, વડોદરા, નર્મદા, તાપી, સુરત, નવસારી, આણંદ, ખેડા, ગાંધીનગર, અમદાવાદ, સુરેન્દ્રનગર, રાજકોટ, બોટાદ, જુનાગઢ અને પોરબંદરમાં મધ્યમ વરસાદની આગાહી કરવામાં આવી છે. આ ઉપરાંત કચ્છ, મોરબી, જામનગર અને દેવભૂમિ દ્વારકામાં હળવા વરસાદની આગાહી કરવામાં આવી છે.

ગુજરાતમાં છેલ્લા બે દિવસથી ભારે વરસાદ ખાબકી રહ્યો છે, સૌરાષ્ટ્રમાં ભાવનગર, અમરેલી અને બોટાદમાં ચોમાસાના પ્રથમ વરસાદે જ તબાહી મચાવી દીધી છે. ભારે વરસાદના કારણે રાજ્યના મોટાભાગના જળાશયો ભરાયા છે, જેમાં કેટલાકને હાઇ એલર્ટ અને એલર્ટ પર મુકવામાં આવ્યા છે. હાલમાં તાજા અપડેટ પ્રમાણે, રાજ્યમાં 11 જળાશયો હાઇએલર્ટ પર મુકવામાં આવ્યા છે. જેમાં 13 ડેમ એલર્ટ પર તો 10 જળાશય વૉર્નિંગ લેવલ પર મુકાયા છે. રાજ્યના 9 જળાશય 100 ટકા ભરાયા છે.