![દક્ષિણ ગુજરાત માં મુશળધાર વરસાદ ના પગલે જનજીવન અસ્તવ્યસ્ત બન્યુ](https://img-cdn.thepublive.com/fit-in/1280x960/filters:format(webp)/connect-gujarat/media/post_banners/wp-content/uploads/2016/08/a43daa5e-6892-467e-baf8-0db6f5729353.jpg)
વલસાડ,વાપી,ઉમરગામ,કપરાડા, ધરમપુર સહિત ના વિસ્તારોમાં પાણી ભરાયા
દક્ષિણ ગુજરાત પર મેઘો મન મૂકીને વરસી રહ્યો છે,અને વલસાડ વાપી માં મુશળધાર વરસાદ ના પગલે દમણ ગંગા નદી તોફાની બની છે,તેમજ ભારે વરસાદ ના પગલે રેલવે ટ્રેક પર પાણી ભરવા ના કારણે રેલવે વ્યવહારને પણ અસર પહોંચી છે.
જાણવા મળતી માહિતી અનુસાર વલસાડ,વાપી,ધરમપુર,કપરાડા,ઉમરગા
સૌથી મોટી અસર વલસાડ જિલ્લામાં વરસાદે રેલવે વ્યવહારને થઇ છે,મોડી રાત સુધી વરસેલા વરસાદનું પાણી રેલવે ટ્રેક પર ફરી વળતા રેલ વ્યવહાર બંધ કરાયો હતો.જોકે બીજી તરફ વાપી અને ભીલાડ ની વચ્ચે રેલવે ટ્રેક ધોવાઈ જતા રેલવે તંત્ર એ યુદ્ધના ધોરણે કામગીરી શરુ કરી છે.રેલવે ટ્રેક પર પાણી ફરીવળતા મુંબઈ અમદાવાદ રેલ વ્યવહાર ને ભારે અસર થઇ છે અનેક ટ્રેનો ને વલસાડ , વાપી , ઉમરગામ સ્ટેશનો પર અટકાવી દેવાઈ છે જેથી મુસાફરો ને ભારે હાલાકીનો સામનો કરવો પડી રહ્યો છે.રેલવે તંત્ર ટ્રેક પર ઇન્સ્પેકશન કર્યા બાદ જ ટ્રેનો ને પાટા પર દોડાવશે.જેથી સુરત મુંબઈ વચ્ચે ની તમામ ટ્રેનો તેના નિયત સમય કરતા મોડી ચાલી રહી છે.