કેરળમાં રાષ્ટ્રપતિનું હેલિકોપ્ટર લેન્ડ થતાં જ ધસી પડ્યું, પોલીસ જવાનોએ ધક્કો મારી બહાર કાઢ્યું

ભારતના રાષ્ટ્રપતિ દ્રૌપદી મૂર્મુ કેરળ રાજ્યના પ્રવાસે છે. તેમની યાત્રા દરમિયાન દુર્ઘટના ટળી છે

પત્તનામથિટ્ટાના પ્રમદમ સ્ટેડિયમમાં રાષ્ટ્રપતિનું હેલિકોપ્ટર લેન્ડ થયા બાદ હેલિપેડનો એક ભાગ ધસી પડ્યો હતો. આ દરમિયાન જવાનોએ તાત્કાલિક દોડી જઈને હેલિકોપ્ટરને ધક્કા મારીને બહાર કાઢ્યું હતું. સદનસીબે આ દરમિયાન કોઈ દુર્ઘટના સર્જાઈ ન હતી. આ દરમિયાન ઘટના સ્થળે ફાયર તથા પોલીસના જવાનો પણ તૈનાત હતા, જેમણે હેલિકોપ્ટર ધક્કા મારીને બહાર કાઢ્યું હતું. આ ઘટનાનો વીડિયો પણ સોશિયલ મીડિયામાં વાઈરલ થઈ રહ્યો છે.