IPL Final 2024: કોલકાતાએ ત્રીજી વખત IPL ટાઇટલ જીત્યું, શાહરૂખ ખાન ખુશીથી જૂમી ઉઠ્યો

IPL 2024ની રમાયેલી કોલકત્તા નાઈટ રાઈડર્સ અને સનરાઈઝર્સ હૈદરાબાદ વચ્ચેની ફાઇનલ મેચમાં કોલકત્તા નાઈટ રાઈડર્સે IPL-2024નું ટાઇટલ જીતી લીધું છે. ટીમે ફાઈનલ મેચમાં સનરાઈઝર્સ હૈદરાબાદને 8 વિકેટે હરાવ્યું હતું. કોલકાતાની ટીમ આ લીગમાં ત્રીજી વખત ચેમ્પિયન બની છે. ટીમે 10 વર્ષ બાદ ફરીથી આ ખિતાબ જીત્યો છે. છેલ્લે કોલકાતા 2014માં ચેમ્પિયન બન્યું હતું. રવિવારે ચેપોક મેદાન પર હૈદરાબાદે ટૉસ જીતીને બેટિંગ કરવાનું પસંદ કર્યું હતું પરંતુ કોલકત્તા નાઈટ રાઇડર્સના બોલરો સામે હૈદરાબાદના બેટરો ઘૂટણીએ પડી ગયા હતા એન એક બાદ એક વિકેટ પડવા લાગી હતી ફાઇનલ મેચમાં હૈદરાબાદ કઈ ખાસ સ્કોર બનાવી ન શકી હતી અને 18.3 ઓવરમાં 113 રનમાં જ ઓલઆઉટ થઈ ગઈ હતી વળતાં જવાબમાં કોલકાતાએ 114 રનનો ટાર્ગેટ આશાનીથી 10.3 ઓવરમાં 2 વિકેટે ચેઝ કરી લીધો હતો કોલકત્તા તરફથી સૌથી વધુ રન વેંકટેશ અય્યરે 26 બોલમાં 52 રનની અણનમ ઇનિંગ રમી હતી. તેના સિવાય બોલિંગમાં આન્દ્રે રસેલે 3 વિકેટ ઝડપી હતી. કોલકત્તા નાઈટ રાઈડર્સના માલિક શાહરુખ ખાન પણ પરિવાર સાથે મેચ જોવા હાજર રહ્યા હતા તે સિવાઈ બોલિવૂડના અભિનેતા સહિત અભિનેત્રીઓ પણ સ્ટેડિયમમાં જોવા મળી હતી..