અમદાવાદ : ચોરીના 102 મોબાઈલ ફોન અને સાયકલ સાથે ગેંગના 5 શખ્સો પોલીસ ગિરફ્તમાં..!
ચોરીના મોબાઈલ સાથે ગેંગના 5 શખ્સો ઝડપાયા
ભીડભાડવાળી જગ્યામાં જઈ ચોરીને આપતા અંજામ
102 નંગ મોબાઈલ અને મોંઘીદાટ સાયકલ જપ્ત
અમદાવાદ શહેરની અમરાઇવાડી પોલીસે ચોરીના મોબાઈલ ફોન સાથે ગેંગના 5 શખ્સોની ધરપકડ કરી છે. જેમાં પોલીસે 102 નંગ મોબાઈલ તેમજ એક મોંઘીદાટ સાયકલ પણ જપ્ત કરી છે.
અમદાવાદ શહેરની અમરાઇવાડી પોલીસે બાતમીના આધારે મોબાઈલ ફોન અને સાયકલની ચોરી કરતી ગેંગના 5 શખ્સોની ધરપકડ કરી છે. જેમાં પોલીસ 102 નંગ અલગ અલગ કંપનીના મોબાઈલ ફોન જપ્ત કર્યા છે. પોલીસે મહમદ શેખ, જિતેન્દ્ર સાહની, ટીકુ ચૌધરી, અમિત ચૂડહરી અને કરણ મહંતની ધરપકડ કરી છે. આ આરોપીઓ ભીડભાડવાળા વિસ્તારોમાં જઈ ખાનગી રાહે મોબાઈલ ચોરી કરી ફરાર થઈ જતા હતા. અત્યાર સુધીમાં આરોપીઓ પાસેથી 102 નંગ મોબાઈલ સહિત એક મોંઘીદાટ સાઇકલ પણ જપ્ત કરવમાં આવી છે. આ આરોપીઓ પાસેથી કુલ 12 લાખથી વધુનો મુદામાલ જપ્ત કરી કાયદેસરની કાર્યવાહી હાથ ધરવામાં આવી છે.
