એર ઈન્ડિયા એક્સપ્રેસ દ્વારા મોટી કાર્યવાહી, 25 કર્મચારીઓ બરતરફ, અનેક ફ્લાઇટ્સ પ્રભાવિત

છેલ્લા 1 દિવસમાં એર ઈન્ડિયા એક્સપ્રેસની 90 થી વધુ ફ્લાઈટ્સ કેન્સલ કરવામાં આવી છે. ફ્લાઈટ કેન્સલ થવાના કારણે હજારો મુસાફરોને મુશ્કેલીનો સામનો કરવો પડ્યો હતો. હકીકતમાં, ક્રૂના એક વર્ગે છેલ્લી ઘડીએ માંદગીની રજા લીધી, જેના કારણે ફ્લાઇટના સંચાલનને અસર થઈ. હવે એરલાઈને ક્રૂ મેમ્બરો સામે કાર્યવાહી કરી છે.

ગત તા. 8 મે 2024 (બુધવાર)ના રોજ, એર ઈન્ડિયા એક્સપ્રેસે અહેવાલ આપ્યો કે ક્રૂ સભ્યોના એક વર્ગે છેલ્લી ઘડીએ માંદગીની રજા લીધી હતી, જેના કારણે ફ્લાઇટના સંચાલનને અસર થઈ હતી. એરલાઇન્સની 90થી વધુ ફ્લાઇટ્સ રદ કરવામાં આવી હતી. ફ્લાઈટ કેન્સલ થવાના કારણે હજારો મુસાફરોને મુશ્કેલીનો સામનો કરવો પડ્યો હતો. આવી સ્થિતિમાં, ટિકિટ રિફંડ સિવાય, એરલાઇન્સે મુસાફરોને બીજી ફ્લાઇટ પસંદ કરવાનો વિકલ્પ પણ આપ્યો. એર ઈન્ડિયા એક્સપ્રેસ એરલાઈન્સે લગભગ 25 કર્મચારીઓ (કેબિન ક્રૂ મેમ્બર)ને કામ પર ન આવવા બદલ બરતરફ કર્યા છે. સમાચાર એજન્સી એએનઆઈએ એરલાઈન સૂત્રોને ટાંકીને જણાવ્યું કે એરલાઈન આગામી 20 મિનિટમાં નિવેદન જારી કરશે. એરલાઈને કર્મચારીઓને કામકાજમાં ખલેલ પહોંચાડવા અને રોજગારના નિયમો અને શરતોનું ઉલ્લંઘન કરવા બદલ બરતરફ કર્યા હતા. આ ઉપરાંત, યોગ્ય ફ્લાઇટ કામગીરી સુનિશ્ચિત કરવા માટે આજે કેટલીક ફ્લાઇટ્સ રદ કરવામાં આવી છે. એર ઈન્ડિયા એક્સપ્રેસના સીઈઓએ આ વિકટ પરિસ્થિતિને સમાપ્ત કરવા માટે ટાઉન હોલ બેઠક બોલાવી છે. એર ઈન્ડિયા એક્સપ્રેસ ગ્રુપ એરલાઈન્સ સાથે વૈકલ્પિક ફ્લાઈટ્સ સાથે મુસાફરોને ટિકિટ રિફંડનો વિકલ્પ પણ આપી રહી છે. મુસાફરો આ નંબર +91 6360012345 પર WhatsApp દ્વારા રિફંડની વિનંતી કરી શકે છે. આ સિવાય એરઇન્ડિયાએક્સપ્રેસ.કોમ પર પણ રિફંડની વિનંતી કરી શકાય છે.