વડોદરા ગોલ્ડન ચોકડી પાસે થી સ્ટેટ વિજિલન્સની ટીમે વદેશી શરાબ ભરેલુ કન્ટેનર ઝડપી પાડયુ હતુ,અને ટ્રક ચાલક સહિત બે ઈસમોની ધરપકડ કરી હતી, જ્યારે અન્ય એક ફરાર હોવાનું જાણવા મળ્યુ છે.
સ્ટેટ વિજિલન્સ ની ટીમ વડોદરા ગોલ્ડન ચોકડી પાસે વોચમાં હતી, તે દરિયાન એક કન્ટેનર ટ્રક ત્યાં થી શંકાસ્પદ રીતે પસાર થતા વિજિલન્સે ટ્રકને અટકાવી હતી, અને તેમાં તલાસી લેતા મોટી માત્રામાં કન્ટેનર માં વિદેશી દારૂ ભરેલો મળી આવ્યો હતો, જેમાં 98,532 નંગ દારૂની બોટલો કિંમત રૂપિયા 59.54 લાખ સાથે મનુ ઈરવા તેમજ રાહુલ પિલ્લાઈ બંને રહે કેરાલાના ઓ ની સ્ટેટ વિજિલન્સની ટીમે ધરપકડ કરી હતી, જ્યારે તેઓનો એક સાથી સેવલમ ફરાર થઇ ગયો હતો.
સ્ટેટ વિજિલન્સે વિદેશી દારૂ ઉપરાંત કન્ટેનર ટ્રક, મોબાઈલ ફોન મળીને કુલ રૂપિયા 79,69,700 નો મુદ્દામાલ જપ્ત કરીને આ અંગે હરની પોલીસ મથકમાં ફરિયાદ દર્જ કરાવી વધુ તપાસ હાથધરી હતી.